کرفیو کا 53 واں روز، کشمیری ضروریات زندگی کو ترس گئے

اسلام آباد(سی این پی)مقبوضہ کشمیر میں جبری پابندیوں کو 53 روز ہوگئے، کشمیری ضروریات زندگی کو ترس کر رہ گئے، کمیونی کیشن بلیک آئوٹ کی وجہ سے ریسرچرز اور ڈاکٹرز کو مشکلات کاسامنا ہے ،بدترین صورتحال میں کشمیر ی روزمرہ کی اشیا کے لیے ترس گئے، ادویات، کھانا پینا، بچوں کا دودھ سب ختم ہوگیا۔ بازار، کاروبار اور ٹرانسپورٹ بھی بند ہیں، سری نگر شہر کو لوہے کی باڑ سے بند کیا گیا ہے، جگہ جگہ تعینات بھارتی فوج کشمیریوں کو دھمکانے میں مصروف ہے۔ میڈیا کے مطابق کمیونی کیشن بلیک آٹ کی وجہ سے ریسرچر اور ڈاکٹرز اپنی اسائمنٹ مکمل کرنے میں مشکلات کا شکار ہیں۔