سرینگر(سی این پی)مقبوضہ کشمیر کے علاقے سری نگر میں بھارتی فورسز نے طلبہ کے احتجاج کی کوریج کرنے والے دو صحافیوں کو تشدد کا نشانہ بنا دیا، پولیس اہلکار نے ان کا موبائل فون بھی چھین لیا۔تشدد کا نشانہ بننے والے صحافی آذان جاوید اسلامیہ کالج کے طلبہ کے احتجاج کی کوریج کے لیے پہنچے تو پولیس نے سڑک پر چند لڑکوں کو پیٹنا شروع کر دیا۔ صحافیوں نے یہ دیکھا تو اپنے موبائل فونز سے فوٹیج بنانا شروع کر دی۔ اچانک پولیس افسر نے آزادی اظہار رائے کے عالمی قوانین کی خلاف ورزی کرتے ہوئے ان سے فون چھین لیا اور باقی پولیس والوں نے انہیں مارنا شروع کر دیا۔واقعے کے خلاف کشمیر کی صحافی تنظیموں نے سخت احتجاج کیا اور واقعے میں ملوث اہلکاروں کے خلاف کارروائی کا مطالبہ کیا۔
