دبئی/ کراچی(سی این پی) متحدہ عرب امارات (ایو اے ای )میں گزشتہ رات سے تیز ہوائوں کے ساتھ موسلا دھار بارش کے باعث پروازوں کا شیڈول متاثر ہوگیا۔پی آئی اے نے بھی تبدیل شدہ شیڈول جاری کردیا۔ تفصیلات کے مطابق دبئی میں ایک بار پھر خراب موسم کے باعث پروازوں کا شیڈول متاثر ہوگیا۔دبئی میں گزشتہ رات سے تیز ہوائوں کے ساتھ موسلا دھار بارش کا سلسلہ جاری ہے جس کے باعث متعدد شہروں میں سڑکیں تالاب کا منظر پیش کرنے لگیں۔جس کی وجہ ٹریفک کی روانی متاثر ہورہی ہے، اکثر سڑکوں پر ٹریفک جام ہوگیا، دوسری جانب پی آئی اے نے بھی تبدیل شدہ شیڈول جاری کردیا ہے۔کراچی سے دبئی کی دو طرفہ پروازیں پی کے 213اور 214منسوخ جبکہ اسلام آباد سے دبئی کی دو طرفہ پروازیں پی کے235اور 236منسوخ اور پشاورسے دبئی پروازیں پی کے 283 اور 284بھی منسوخ کرنے کا فیصلہ کیا گیا ہے۔اس سلسلے میں پی آئی اے انتظامیہ نے منسوخ شدہ پروازوں کے مسافروں کو ایڈجسٹ کرنے کیلیے پلان تیار کرلیا۔کل اسلام آباد سے دبئی پروازوں کیلئے بوئنگ777بڑا جہاز آپریٹ کیا جائے گا، اس کے علاوہ لاہور سے دبئی پروازوں 203اور 204 کے لیے بھی بوئنگ 777 استعمال ہوگا۔
