اسلام آباد(سی این پی)ایل این جی ریفرنس میں احتساب عدالت نے مفرورملزم سابق ایم ڈی پی ایس او شاہد مظفرالاسلام کے اشتہار جاری کرنے اور ٹرائل الگ کرنے کا فیصلہ کیا ہے۔ شاہد خاقان عباسی کو ریفرنس کی کاپی فراہم کرنے کا حکم دیتے ہوئے 9 مارچ تک دوبارہ جیل بھیج دیا گیا۔جمعہ کو ایل این جی ریفرنس کی سماعت ہوئی۔ سابق وزیراعظم شاہد خاقان ،چیئرپرسن اوگراعظمی عادل اور دیگر ملزمان احتساب عدالت میں پیش ہوئے۔نیب پراسیکیوٹر نے ملزمان پر فردِجرم عائد کرنے کی استدعا کی اور کہا کہ سابق ایم ڈی پی ایس او شاہد الاسلام اس وقت کس ملک میں ہیں، کچھ پتہ نہیں، ان کی ٹریول ہسٹری پیش کرچکے ہیں، ملزم کے پتے پر وارنٹس بھی بھیجے گئے،عدالت چاہے تو مفرور ملزم کو اشتہاری قرار دینے کی کاروائی شروع کرے یا دائمی وارنٹ جاری کرکے انہیں ٹرائل سے الگ کردے۔شاہد خاقان کے وکیل بیرسٹر ظفر اللہ نے نیب کی درخواست پر اعتراض کیا اور سوال اٹھایا کہ کارروائی مکمل کئے بغیر کیسے کسی کا ٹرائل الگ کیا جا سکتا ہے،جب تک شاہد مظفر سے متعلق فیصلہ نہیں ہوتا،ریفرنس کی نقول بھی نہیں لیں گے۔عدالت نے دلائل سننے کے بعد مفرورملزم شاہد الاسلام کا ٹرائل الگ کرنے کا فیصلہ کیا۔جج اعظم خان نے ریمارکس دیئے کہ ایک ملزم کی وجہ سے ٹرائل کوالتوا میں نہیں ڈال سکتے، تمام ملزمان آج ہی ریفرنس کی نقول حاصل کریں۔ شاہد خاقان کے جوڈیشل ریمانڈ میں 9 مارچ تک توسیع کردی گئی ہے۔
فرانس میں بچوں کیلئے کمیونٹی سینٹر ملالہ یوسفزئی کے نام سے منسوب
سعودی عرب اور پاکستان میں معاشی شراکت داری کی جہتیں مضبوط سے مضبوط تر ہورہی ہیں، وزیراعظم
عدالت کی آزادی یقینی بنائیں گے، اندر اور باہر سے حملہ نہیں ہونا چاہیے،چیف جسٹس
قرض لینا کامیابی نہیں، قرض سے نجات پانا کامیابی ہوگی، وزیراعظم
اسلام میں ہر دن محنت کشوں کی عظمت کا دن ہے ، ثمینہ احسان
عدت میں نکاح کیس، خاور مانیکا اور سلمان اکرم میں تلخ کلامی
پنجاب حکومت چھوٹے کسانوں کو سبسڈی دینے کے معاملے پر تجاویز طے نہ کرسکی
الیکشن کمیشن کی جانب سے علی امین گنڈاپور کی طلبی کا نوٹس معطل
ایل این جی ریفرنس واپس، شاہد خاقان عباسی سمیت تمام ملزمان بری
حکومت میں بیٹھے لوگ بادشاہت چاہتے ہیں،شیریں مزاری