اسلام آباد (سی این پی)لوہے اور سٹیل کے سکریپ کی قومی درآمدات میں 13.86 فیصد کا اضافہ ہوا ہے۔ ادارہ برائے شماریات پاکستان ( پی بی ایس)کے اعدادوشمار کے مطابق گزشتہ مالی سال 2018-19 کے دوران لوہے اور سٹیل سکریپ کی درآمدات 198 ارب روپے تک بڑھ گئیں جبکہ مالی سال 2017-18 کے دوان 174 ارب روپے کی درآمدات کی گئی تھیں۔اس طرح مالی سال 2017-18 کے مقابلہ میں گزشتہ مالی سال 2018-19 کے دوران لوہے اور سٹیل سکریپ کی ملکی درآمدات میں 24 ارب روپے یعنی 13.86 فیصد کا اضافہ ریکارڈ کیا گیا ہے۔
