کراچی(سی این پی )پاکستان پیپلزپارٹی کے چیئرمین بلاول بھٹو زرداری نے عوام سے اپیل کی ہے کہ کورونا وائرس کو پھیلنے سے روکنے کے لیے لاک ڈائون کے فیصلے پر سندھ حکومت سے تعاون کریں۔پیپلز پارٹی کے چیئرمین بلاول بھٹو زرداری نے کورونا وائرس کے حوالے سے سوشل میڈیا پر ویڈیو پیغام جاری کیا جس میں عوام سے گھروں میں رہنے کی اپیل کی۔بلاول بھٹو زرداری نے کہا کہ کسی بھی حکومت کی اہم ذمہ داری اپنے عوام کی صحت اور زندگی کا تحفظ ہے، اسی لیے کورونا وائرس کا پھیلائو روکنے اور عوام کے تحفظ کے لیے سندھ حکومت نے سخت فیصلے لیے ہیں۔انہوں نے کہا کہ کورونا وائرس کا کوئی علاج ہے اور نہ ہی کوئی ویکسین ہے، ایسے میں اپیل کرتا ہوں کہ لاک ڈائون کے فیصلے پر سندھ حکومت سے تعاون کریں، اگرلاک ڈائون کے دوران آپ بیمار ہوجاتے ہیں توسندھ حکومت سے رابطہ کریں تاکہ آپ کا ٹیسٹ کرایا جاسکے۔چیئرمین پی پی کا کہنا تھا کہ جانتا ہوں لاک ڈائون کے دوران بہت سے لوگ پریشان ہوں گے کہ وہ کیسے گزارہ کریں گے لیکن اس دوران راشن کی ضرورت ہے تو سندھ حکومت کوشش کرے گی کہ آپ کو راشن پہنچائے۔بلاول بھٹو نے مخیر حضرات سے درخواست کی کہ وہ غریبوں کا خیال رکھیں، سندھ حکومت کا ساتھ دیں تاکہ غریبوں کا خیال کیا جاسکے۔انہوں نے مزید کہا کہ جانتا ہوں نوکری پیشہ طبقے کو خدشہ ہوگا کہ کہیں وہ لاک ڈائون کے دوران بیروزگار نہ ہوجائیں، یہی وجہ ہے کہ سندھ حکومت نے نوٹیفکیشن نکالا ہے کہ لاک ڈائون کے دوران کوئی کسی کو بیروزگار نہیں کرسکتا اور اس دورانیے میں ملازمین کوپوری تنخواہیں بھی دی جائیں۔ان کا کہنا تھا کہ آپ جہاں نوکری کرتے ہیں وہ سندھ حکومت کے فیصلے کو نہیں مان رہے تو آپ حکومت سے رابطہ کریں، اگر ملازمین کو نہیں نکالا جائے گا، تنخواہیں دی جائیں گی توسندھ حکومت بعد میں تعاون کرے گی۔بلاول بھٹو نے کہا کہ سندھ حکومت ایسے اقدامات بھی کررہی ہے کہ وہ عوام کو ریلیف بھی پہنچا سکے لہذا ہم مطالبہ کرتے ہیں کہ وفاقی حکومت اس وائرس کا مقابلہ کرنے کے لئے ہماری مدد کرے۔ان کا کہنا تھا کہ جانتا ہوں کہ اگر ہم سب ایک ہوجائیں تو کورونا وائرس کا مقابلہ کیا جاسکتا ہے لیکن اگر آپ 14 دن کے لیے گھروں میں نہ رہ کر ہمارے ساتھ تعاون نہیں کرتے ہو تو ساری محنت ضائع ہوجائے گی۔انہوں نے کہا کہ میں اپیل کرتا ہوں کہ آپ سندھ حکومت سے تعاون کریں، گھر پر رہیں، اور زندگی کا تحفظ کریں۔
دہشتگردوں کے ٹھکانے تباہ، 6 شدت پسند ہلاک
فیصل کریم کنڈی نے بطورگورنرخیبرپختونخوا حلف اٹھالیا
پنجاب بیورو کریسی میں اکھاڑ پچھاڑ
پی آئی اے کے حج آپریشن کا آغاز 9 مئی سے ہوگا
ٹیکس ریٹرن فائنل نہ کرنے والوں کی سم بلاک کرنے کی تجویز مسترد
وزیر اعلیٰ پنجاب مریم نواز کا صوبے میں مفت ادویات کی فراہمی کا اعلان
احتجاجی تریک میں شرکت کا فیصلہ مجلس شوریٰ کریگی، امیر جماعت اسلامی کا اپوزیشن کو جواب
پوری قوم کو ایف بی آر کے محنتی اور قابل افسران پر فخر ہے، وزیراعظم
سردار سلیم پنجاب، فیضل کریم کنڈی خیبرپختونخوا اور خان مندوخیل گورنر بلوچستان تعینات
ڈبلیو ایچ او کی ریجنل ڈائریکٹر کی وزیر اعلیٰ پنجاب مریم نواز سے ملاقات