پاکستان میں ایک اور کورونا وائرس کا مریض چل بسا، تعداد 10 ہوگئی

لاہور (سی این پی ) لاہور میں کورونا وائرس میں مبتلا ایک اور شخص جان کی بازی ہار گیا، جس کے بعد وائرس سے جاں بحق ہونے والوں کی تعداد 10 ہوگئی۔تفصیلات کے مطابق محکمہ صحت پنجاب نے لاہور کے میو اسپتال میں کورونا وائرس سے ایک شخص کے جاں بحق ہونے تصدیق کردی اور کہا جاں بحق 70سالہ شخص شیخوپورہ کا رہائشی تھا۔ترجمان ہیلتھ کیئر کا کہنا ہے کہ پنجاب میں کوروناوائرس سیجاں بحق افراد کی تعداد 4ہوگئی ہے، لاہور میں تین اور راولپنڈی میں ایک مریض جاں بحق ہوا۔ترجمان نے کہا ہے کہ پنجاب میں کورونا وائرس کے419 کنفرم مریض ہیں، ڈی جی خان سے207 زائرین، ملتان سے19زائرین اور لاہورمیں 113 افراد میں کورونا وائرس کی تصدیق ہوئی۔ہیلتھ کیئر کے ترجمان کا کہنا تھا کہ گجرات میں 22، گوجرانوالہ میں 8،جہلم میں 19 ،پنڈی میں 12، ملتان میں 3، فیصل آباد میں 3 ، منڈی بہاالدین 2 کورونا کے کیسز ہیں۔ترجمان کے مطابق نارروال ، رحیم یار خان اور سرگودھا میں ایک ایک مریض اور اٹک ،بہاولنگر میں بھی ایک ایک، میانوالی میں 2 مریضوں میں تصدیق ہوئی۔واضح رہے ملک بھر میں کورونا کیکیسزکی تعدادبارہ سو پینتیس ہوگئی ہے، سندھ میں 429 ،بلوچستان میں 131 ،خیبرپختونخوامیں147 ،گلگت بلتستان میں اکیانوے،آزادکشمیرمیں دوہوگئی جبکہ متاثرہ 23 مریض صحت یاب ہوئے۔