دیامر(سی این پی)گلگت بلتستان میں معمولی تنازع پر فائرنگ کے نتیجے میں 2 خواتین جاں بحق ہوگئیں۔تفصیلات کے مطابق یہ افسوس ناک واقعہ گلگت بلتستان کے ضلع دیامر میں پیش آیا، جہاں موبائل فون پر مذاق دو خواتین کے لیے جان لیوا ثابت ہوا، فائرنگ کرنے والا ملزم فرار ہوگیا۔پولیس کا کہنا ہے کہ موبائل فون پر مذاق کرنے پر ملزم نے طیش میں آکر کزن سے جھگڑا کیا، ملزم کی سگی بہن اور چچازاد بہن نے بیچ بچائو کرانے کی کوشش کی، جس پر گولیاں چل گئیں۔فائرنگ کے نتیجے میں دونوں خواتین جاں بحق ہوگئیں۔ واقعے کے بعد ملزم فرار ہوگیا۔پولیس کا کہنا ہے کہ واقعے سے متعلق مزید تحقیقات کررہے ہیں۔ ممکنہ طور پر جلد ملزم کی گرفتاری عمل میں آئے گی، موبائل فون پر مذاق کا بھی جائزہ لیا جارہا ہے۔
