لاہور(سی این پی) ریسٹورنٹس ایسوسی ایشن کا کہنا ہے کہ پی ایس ایل سے قبل قذافی ا سٹیڈیم کے اطراف میں واقع ریسٹورنٹس بند کرنا سراسر نا انصافی ہے۔چیئرمین ریسٹورنٹس ایسوسی ایشن عامر رفیق قریشی کا لاہور میں پریس کانفرنس کرتے ہوئے کہنا تھا کہ ریسٹورنٹس پہلے ہی مالی بدحالی کا شکار ہیں، مزید ناانصافی نہ کی جائے اور حکومت ہمارا کاروبار چلنے دے۔عامر رفیق قریشی کا کہنا تھا کہ قذافی اسٹیڈیم میں ٹریننگ سیشن کے دوران کمرشل زون بند کرانا کہاں کا انصاف ہے۔ریسٹورنٹس ایسوسی ایشن کے چیئرمین کا مزید کہنا تھا کہ حکومت سیکیورٹی کے نام پر ایسا کام نہ کرے کہ بے روز گاری بڑھ جائے، ہمارا مطالبہ تسلیم نہ کیا گیا تو سڑکوں پر نکل آئیں گے۔
