لاہور(سی این پی) ہائی کورٹ نے رمضان بازاروں میں چینی فروخت کرنے سے روکنے کا حکم دیتے ہوئے کہا چینی عام مارکیٹ میں85 روپے فی کلو فروخت کی جائے گی۔تفصیلات کے مطابق لاہور ہائی کورٹ میں رمضان بازاروں میں چینی کے حصول کیلئےقطاروں کیخلاف درخواست پر سماعت ہوئی ، عدالت نے رمضان بازاروں میں چینی فروخت کرنے سے روکنے کا حکم دیتے ہوئے کہا چینی عام مارکیٹ میں85 روپے فی کلو فروخت کی جائے گی۔عدالت نے تمام اضلاع میں عملدرآمد پرمشاورت کیلئے15منٹ کا وقت دیکرسماعت ملتوی کردی، جس کے بعد سماعت کے دوبارہ آغاز پر لاآفیسر نے بتایا کہ رمضان بازار میں چینی بیچنے سے عام مارکیٹ میں قلت ہوئی ، جس پر عدالت نے کہا کس قانون کے تحت ساری چینی رمضان بازار میں بیچی گئی، عدالت کا کہنا تھا کہ رمضان بازار اور جمعہ بازار لگا کر مذاق بنایا جارہا ہے، اس کا مطلب انتظامیہ عام مارکیٹ میں قیمتیں کنٹرول میں ناکام ہے ، تو لاآفیسر نے کہا رمضان بازاروں کا مقصد غریب لوگوں کو ریلیف کے لئے ہوتاہے۔عدالت نے استفسار کیا یہ کس قانون کے تحت ہے ؟ لا آفیسر نے بتایا یہ کابینہ کمیٹی کے انڈر ہوتا ہے، جس پر عدالت نے کہا کہ آپ نے رمضان کا بجٹ کا غلط استعمال کیا ہے ،رپورٹ بھی پیش کی جائے گی۔کمشنر نے بتایا جو کوٹہ مختص کیاگیا وہ کم تھا،رمضان میں چینی کی کھپت 3گنا بڑھ جاتی ہے، جس پر عدالت کا کہنا تھا کہ اب تک سیکرٹری یہ بتانے سے قاصر ہیں مختص چینی کہاں استعمال ہوئی، مسئلہ صرف چینی کا نہیں بلکہ تمام اشیائےخوردونوش کی قیمتوں کاہے، اشیائےخوردونوش کی قیمتوں کاتعین کرنےکاطریقہ کار نہ ہونامہنگائی کی وجہ ہے۔سیکرٹری خوراک کا کہنا تھا کہ ہم نے اس حوالے عدالتی حکم کے مطابق میٹنگز کی گئی ہیں، جس پر عدالت نے کہا میٹنگز کا مطلب چائے پینانہیں،رمضان بازاروں میں لائنیں ختم نہیں کی جاسکی۔
کمشنر لاہور نے کہا رمضان بازاروں سے غریب کو بہت فائدہ ہوا تو عدالت کا کہنا تھا کہ غریب کو بھکاری بنا دیا گیا،2روپے سستی چیز گھر کے دروازے پرکیوں نہیں ملتی ، چینی عام مارکیٹ میں 85 روپے فی کلو فروحت جائے گی، جس پر کمشنر لاہور نے کہا کل تک یہ لاہور ڈویژن میں عملدرآمد کردیا جائے گا۔
پیٹرول کی فی لیٹر قیمت میں 15روپے 39 پیسے اور ڈیزل کی قیمت میں 7روپے 88پیسے کمی کا اعلان
شہید میجر بابر خان نیازی آبائی علاقے میں مکمل فوجی اعزاز کے ساتھ سپرد خاک
عام انتخابات سے متعلق الیکشن کمیشن کی رپورٹ جاری
شہدا کے یادگاروں پر حملہ کرنے کا حق کسی کو نہیں، بلاول بھٹو
عمران خان کی 190 ملین پاؤنڈ اسکینڈل کیس میں ضمانت منظور
پاکستان کا فتح ٹو گائیڈڈ راکٹ کا کامیاب تجربہ
پاکستان سمیت دنیا بھر میں خاندانوں کا عالمی دن آج منایا جا رہا ہے
آسٹریلیا کی پاکستان کی سماجی اقتصادی ترقی کیلئے تعاون جاری رکھنے کی یقین دہانی
چین کاتعاون کے تمام شعبوں میں پاکستان کی مکمل حمایت کا اعادہ
شہیدمیجر بابر نیازی کی نماز جنازہ بلوچستان کے علاقے ژوب میں ادا