کراچی(سی این پی)کراچی کے علاقے شاہ فیصل کالونی نمبر 3 میں شوہرکے قتل کے الزام میں گرفتار بیوی نے اعتراف جرم کر لیا۔پولیس کے مطابق نجمہ پروین نامی ملزمہ اپنے شوہر لیاقت سے الگ رہ رہی تھی، قتل کی واردات نجمہ نے ساتھی کمال خان کے ساتھ مل کر کی جو کہ اس وقت فرار ہے اور اس کی تلاش جاری ہے۔پولیس نے مزید بتایا کہ واقعے کے روز ملزمان نے مقتول کو بہانے سے بلاکر قتل کیا۔واضح رہے کہ نجمہ پروین نے اپنے خاوند اور 9 بچوں کے باپ کو سر پر ڈنڈا مارنے کے بعد پیٹ میں کانچ اور پھر گلا دبا کر قتل کر دیا تھا۔
