نئی دلی( سی این پی )بھارتی فورسز نے سری نگر کے میئرجنید اعظم کو بھی نظر بند کر دیا۔ ادھر تہاڑ جیل میں قید حریت رہنما یاسین ملک کی طبیعت بگڑ گئی۔سری نگر کے مئیر کو کشمیر کی صورتحال پر سچ بولنا مہنگا پڑگیا۔ بھارتی انتظامیہ نے انہیں گھرمیں نظر بند کر دیا۔ بھارتی ٹی وی کو انٹرویو میں جنید اعظم نے وادی کی کشیدہ صورتحال پر تشویش کا اظہار کیا تھا۔دوسری جانب کشمیر میڈیا سروس کے مطابق تہاڑ جیل میں قید یاسین ملک کی طبیعت بگڑ گئی ہے، حریت رہنماسے ملاقات کرنے والے رشتے داروں نے ان کی صحت کے بارے میں میڈیا سے گفتگو کی۔
