لاہور(سی این پی)پاکستان تحریک انصاف کے منحرف رکن پنجاب اسمبلی علیم خان نے پنجاب کی وزارت اعلی کے لیے تحریک انصاف کے نامزد کردہ امیدوار چوہدری پرویز الہی کے لیے ایک پیغام جاری کیا ہے۔پنجاب میں وزارت اعلی کی دوڑ کے لیے پرویز الہی تحریک انصاف اور ق لیگ کے مشترکہ امیدوار ہیں جبکہ متحدہ اپوزیشن کی جانب سے حمزہ شہباز کو وزارت اعلی کا امیدوار نامزد کیا گیا ہے۔چند روز قبل پنجاب اسمبلی کے اجلاس میں ہونے والی ہنگامہ آرائی کے بعد ڈپٹی اسپیکر قومی اسمبلی نے پہلے اجلاس 6 اپریل تک ملتوی کیا، پھر اسی روز 16 اپریل تک اجلاس ملتوی کرنے کے احکامات جاری کر دیے تاہم بعد ازاں سپریم کورٹ کا فیصلہ آنے کے بعد ڈپٹی اسپیکر نے اجلاس دوبارہ 6 اپریل کو بلانے کا اعلان کر دیا۔ڈپٹی اسپیکر دوست محمد مزاری کی جانب سے 6 اپریل کو پنجاب اسمبلی کا اجلاس بلائے جانے پر تحریک انصاف نے اپنے ہی ڈپٹی اسپیکر کے خلاف تحریک عدم اعتماد پیش کر دی۔ مسلم لیگ ق کا دعوی ہے کہ پرویز الہی ہی وزیراعلی پنجاب بنیں گے اور ہمارے نمبرز پورے ہیں جبکہ متحدہ اپوزیشن کا کہنا ہے کہ ہمارے پاس 202 ممبران موجود ہیں، اگر پرویز الہی اتنے پرامید ہیں تو اجلاس بلائیں تاکہ دودھ کا دودھ اور پانی کا پانی ہو جائے۔اب علیم خان نے سوشل میڈیا پر جاری بیان میں کہا کہ پرویز الہی کو اپنی ہار نظر آ رہی ہے، انہیں پتہ چل چکا ہے کہ شکست ان کا مقدر بن چکی ہے تو وہ بھونڈی حرکتوں پر اتر آئے ہیں۔انہوں نے مزید لکھا کہ حمزہ شہباز کے ساتھ میرا بہت ہی اچھا محبت اور عزت کا رشتہ ہے، وہ میرے چھوٹے بھائیوں کی طرح ہے، ایسی کوئی بات نہیں ہوئی اور نہ ہو گی۔پی ٹی آئی منحرف رکن نے ایک دوسری ٹوئٹ میں لکھا کہ پرویز الہی کو چاہیے کہ الیکشن میں میدان میں آئیں اور اپنی شکست کو تسلیم کریں۔
بجٹ میں جوسز پر ٹیکسوں کو 50 فیصد بڑھانے کا مطالبہ
پاک ایران خوش گوار تعلقات میں ابراہم رئیسی کی کوششوں کو ہمیشہ یاد رکھا جائے گا، ڈاکٹرحمیرا طارق
آسمانی و زمینی ہر آفت میں رنگ و نسل سے بالاتر ہو کر جماعت اسلامی قوم کے ساتھ کھڑی ہے، ڈاکٹر حمیرا طارق
ایرانی صدر کے ہیلی کاپٹرحادثے میں جاں بحق ہونے پر پاکستان میں ایک روزہ سوگ کا اعلان
تمباکو انڈسٹری کی طرف سے 10 اسٹک پیک کی کوششیں پریشان کن ہیں، ملک عمران احمد
پاکستان اور آسڑیلیا کا سکیورٹی و دفاعی تعاون بڑھانے کے عزم کا اعادہ
پاکستان اور ترکیہ کا دو طرفہ تجارت کو 5 ارب ڈالر تک بڑھانے کا اعادہ
آزادی مارچ کیس، عمران خان و دیگر پی ٹی آئی رہنما بری
صدر اوروزیراعظم کا ایرانی صدر ابراہیم رئیسی کے انتقال پراظہارافسوس
پاکستانی عازمین حج کی تربیت کیلئے آن لائن ایپ کا اجرا