اسلام آباد(سی این پی)چیف جسٹس اسلام آباد ہائیکورٹ جسٹس اطہر من اللہ نے سابق چیف جج گلگت بلتستان رانا شمیم سے مکالمہ کرتے ہوئے کہا کہ آپ نے عدالت کا وقار مشکوک بنایا ہے۔سابق چیف جج گلگت بلتستان رانا شمیم کے خلاف توہین عدالت کیس پر سماعت چیف جسٹس اسلام آباد ہائیکورٹ جسٹس اطہر من اللہ نے کی۔اٹارنی جنرل اشتر اوصاف مصروفیت کے باعث پیش نہ ہو سکے جبکہ سابق چیف جج رانا شمیم اپنے وکیل لطیف آفریدی کے ہمراہ عدالت کے سامنے پیش ہوئے۔چیف جسٹس اسلام آباد ہائیکورٹ نے کہا کہ اپنے سیاسی بیانیوں کے لیے عدالتوں کا سب نے مذاق بنایا ہے، رانا شمیم کا یہ بیان حلفی کہاں پر بنا آج تک یہ نہیں پتہ چل سکا۔جسٹس اطہر من اللہ نے ریمارکس دیے کہ رانا شمیم نے کہا نوٹری پبلک نے لیک کیا، جس پر رانا شمیم نے کہا کہ میں نے اس پر شک کا اظہار کیا ہے۔عدالت نے کہا کہ آپ نے تو کہا تھا کہ صرف آپ کے نواسے اور نوٹری پبلک کو معلوم تھا، کیا آپ نے آج تک ان کے خلاف کارروائی کی؟جسٹس اطہر من اللہ نے سابق چیف جج گلگت بلتستان سے مکالمہ کرتے ہوئے کہا کہ آپ نے اس عدالت کا وقار مشکوک بنایا ہے۔چیف جسٹس اسلام آباد ہائیکورٹ نے کہا کہ آپ کا بیان حلفی کہتا ہے کہ اس عدالت میں کسی کے کہنے پر بینچز بنتے تھے، یہ عدالت کسی کو اس بنیاد پر سیاسی بیانیہ بنانے کی اجازت نہیں دے گی۔سابق چیف جج گلگت بلتستان رانا شمیم نے عدالت میں مؤقف اختیار کیا کہ میں سیاسی آدمی نہیں ہوں۔اسلام آباد ہائیکورٹ نے اٹارنی جنرل اشتر اوصاف کی عدم پیشی کے باعث کیس کی سماعت 30 جون تک ملتوی کر دی۔
دہشتگردوں کے ٹھکانے تباہ، 6 شدت پسند ہلاک
فیصل کریم کنڈی نے بطورگورنرخیبرپختونخوا حلف اٹھالیا
پنجاب بیورو کریسی میں اکھاڑ پچھاڑ
پی آئی اے کے حج آپریشن کا آغاز 9 مئی سے ہوگا
ٹیکس ریٹرن فائنل نہ کرنے والوں کی سم بلاک کرنے کی تجویز مسترد
وزیر اعلیٰ پنجاب مریم نواز کا صوبے میں مفت ادویات کی فراہمی کا اعلان
احتجاجی تریک میں شرکت کا فیصلہ مجلس شوریٰ کریگی، امیر جماعت اسلامی کا اپوزیشن کو جواب
پوری قوم کو ایف بی آر کے محنتی اور قابل افسران پر فخر ہے، وزیراعظم
سردار سلیم پنجاب، فیضل کریم کنڈی خیبرپختونخوا اور خان مندوخیل گورنر بلوچستان تعینات
ڈبلیو ایچ او کی ریجنل ڈائریکٹر کی وزیر اعلیٰ پنجاب مریم نواز سے ملاقات