لاہور(سی این پی )پنجاب میں گندم خریداری مہم کل سے شروع ہوگی۔محکمہ خوراک کے ترجمان کے مطابق کاشتکار باردانہ ایپ کے ذریعے باردانہ کی درخواستیں جمع کرا سکتے ہیں۔پنجاب انفارمیشن ٹیکنالوجی بورڈ اور پنجاب لینڈ ریکارڈ اتھارٹی کے ذریعے تصدیق کے بعد کسانوں کو باردانہ اے پی پی کے ذریعے تصدیقی پیغامات موصول ہوں گے۔
باردانہ کا اجراء اگلے جمعہ سے شروع ہوگا اور پہلے آئیے پہلے پائیے کی بنیاد پر دیا جائے گا۔ترجمان نے بتایا کہ صوبے بھر میں گندم کی خریداری کے کل تین سو ترانوے مراکز قائم کیے گئے ہیں جہاں کاشتکاروں سے مقررہ قیمت پر گندم خریدی جائے گی۔ 3900 فی من
مزید برآں، ہر کسان کو ڈیلیوری چارجز کے لیے تیس روپے فی 100 کلو ادا کیے جائیں گے۔گندم خریداری مہم کے دوران شکایات کے ازالے کے لیے کنٹرول روم بھی قائم کر دیا گیا ہے۔
