ابوظہبی(سی این پی)اماراتی حکام نے کرونا وائرس کے باعث گھروں میں محصور ہونے والے شہریوں کی بڑی مشکل آسان کردی، شارجہ حکام نے تین ماہ تک بجلی کے بل میں دس فیصد کمی کا اعلان کردیا۔میڈیاکی رپورٹ کے مطابق متحدہ عرب امارات کی ریاست شارجہ کے حکام نے یہ فیصلہ عوام کی فلاح و بہبود کیلئے کیا ہے کیونکہ کرونا وائرس کی وبا پھیلنے کے باعث لوگ گھروں میں رہنے پر مجبور ہوگئے ہیں۔وبا کا مزید پھیلائو روکنے کیلئے دنیا بھر کی طرح متحدہ عرب امارات میں بھی لوگوں کا گھروں سے نکلنا منع ہے جس کے باعث ان کے بجلی کے بلوں میں اضافہ ہورہا ہے۔حکومت نے شہریوں کو رعایت دینے کیلئے بجلی کے بلوں میں دس فیصد کمی کا اعلان کیا ہے تاکہ شہریوں کیلئے آسانی کی جاسکے۔شارجہ کے حکمراں شیخ ڈاکٹر سلطان القاسمی کا کہنا ہے کہ دنیا بھر میں کرونا وائرس کا پھیلائو روکنے کیلئے حکومتوں کو نئے چیلنجز اور مشکلات کا سامنا کرنا پڑرہا ہے، جن میں ایک بجلی کے بلو ں میں اضافہ بھی ہے۔ڈاکٹر سلطان القاسمی کا کہنا تھا کہ بلی کے بلوں میں کمی کے باعث حکومت کو تین ماہ کے دوران 23 کروڑ درہم کا نقصان ہوگا لیکن پھر بھی حکومت اپنے شہریوں کو سہولت دینے کیلئے بل میں کٹوتی کرے گی
ڈبلیو ایچ او کی ریجنل ڈائریکٹر کی وزیر اعلیٰ پنجاب مریم نواز سے ملاقات
معاشرے میں اقامت دین کی ترویج کے لئے سوشل میڈیا سے مثبت استفادہ ناگزیر ہے۔ثمینہ سعید
جسٹس شوکت عزیز صدیقی کی ریٹائرمنٹ کا نوٹیفکیشن جاری کرنے کی منظوری
مخصوص نشستوں کا معاملہ : سنی اتحاد کونسل کی اپیل سپریم کورٹ میں سماعت کیلئے مقرر
ریمورٹ کنٹرول بم دھماکہ میں صحافی سمیت 3 شہید
سائبر کرائم انویسٹی گیشن ایجنسی کے نام سے الگ ادارہ قائم
جوڈیشل کمیشن کے اجلاس میں ججز کی تقرریاں موجودہ رولز کے تحت کرنے پر اتفاق
پاکستان کا پہلا سیٹلائٹ چاند پر روانہ، صدر اور وزیراعظم کی سائنسدانوں کو مبارکباد
مسافر بس کھائی میں گر گئی، 10 مسافر جاں بحق
چیئرپرسن این سی ایس ڈبلیو، اسلامی نظریاتی کونسل اور یو این ایف پی اے کم عمری کی شادیوں کے صحت پر اثرات سے نمٹنے کے لیے مشترکہ لائحہ عمل کے تحت کوشاں