لاہور(سی این پی) صدر مملکت ڈاکٹر عارف علوی نے کہا کہ میدان میں شائقین کرکٹ کی اتنی بڑی تعداد دیکھ کر دل خوش ہو گیا، پاکستان میں انٹرنیشنل کرکٹ مکمل واپس آئے گی۔تفصیلات کے مطابق پنک ڈے کی مناسبت سے قذافی سٹیڈیم میں تقریب کا بھی اہتمام کیا گیا جس میں صدر مملکت ڈاکٹر عارف علوی نے خصوصی شرکت کی،بریسٹ کینسر کے حوالے سے بات کرتے ہوئے کہا کہ ماؤں، بہنوں اور بیٹیوں کو بریسٹ کینسر کے حوالے سے خود خیال رکھنا چاہئے۔ احسان مانی کا شکریہ ادا کرتا ہوں جنوں نے اس میچ پر پنک ربن ڈے منایا۔ صدر مملکت نے میچ کے دوران رمیز راجہ کے ساتھ بیٹھ کر کمینٹری بھی کی۔ صدر مملکت نے کہا کہ مجھے لاہور آ کر بہت خوشی محسوس ہوئی، پاکستان میں کرکٹ کے بہت شوقین موجود ہیں اور میدان میں شائقین کرکٹ کی اتنی بڑی تعداد دیکھ کر دل خوش ہو گیا۔انہوں نے کہا کہ کرکٹ کا پاکستان میں نہ ہونا بہت زیادتی تھی۔ سیکیورٹی کے انتظامات دیکھ کر امید ہے پاکستان میں انٹرنیشنل کرکٹ مکمل واپس آئے گی۔ انگلینڈ اور آئرلینڈ کے وفود لاہور میں موجود ہیں، جو سیکیورٹی سے مطمئن ہیں۔ ڈاکٹر عارف علوی نے کہا کہ سری لنکن ٹیم کے جونیئر کھلاڑیوں نے بھی بہت اچھا پرفارم کیا۔ پاکستان سیاحت کے لیے اب ایک پر امن ملک ہے۔
دہشتگردوں کے ٹھکانے تباہ، 6 شدت پسند ہلاک
فیصل کریم کنڈی نے بطورگورنرخیبرپختونخوا حلف اٹھالیا
پنجاب بیورو کریسی میں اکھاڑ پچھاڑ
پی آئی اے کے حج آپریشن کا آغاز 9 مئی سے ہوگا
ٹیکس ریٹرن فائنل نہ کرنے والوں کی سم بلاک کرنے کی تجویز مسترد
وزیر اعلیٰ پنجاب مریم نواز کا صوبے میں مفت ادویات کی فراہمی کا اعلان
احتجاجی تریک میں شرکت کا فیصلہ مجلس شوریٰ کریگی، امیر جماعت اسلامی کا اپوزیشن کو جواب
پوری قوم کو ایف بی آر کے محنتی اور قابل افسران پر فخر ہے، وزیراعظم
سردار سلیم پنجاب، فیضل کریم کنڈی خیبرپختونخوا اور خان مندوخیل گورنر بلوچستان تعینات
ڈبلیو ایچ او کی ریجنل ڈائریکٹر کی وزیر اعلیٰ پنجاب مریم نواز سے ملاقات