اسلام آباد(سی این پی) قومی احتساب بیورو(نیب)کی جانب سےپاکستان اسپورٹس بورڈ(پی ایس بی )اسلام آباد میں واقع لیاقت جمنازیم کی مرمت کی جاری تحقیقات سے بچنے کےلیے عمارت کی دوبارہ مرمت کے دوران 17 سالہ مزدور چھت سے گر کر جاں بحق ہوگیا ۔اسسٹنٹ کمشنر اسلام آباداور تھانہ آبپارہ پولیس نے ورثاءکی جانب سے نعش کا پوسٹمارٹم نہ کروانےاور قانونی کارروائی سے انکار پرلاش اہلخانہ کے سپرد کردی،تفصیلات کے مطابق پاکستان اسپورٹس بورڈ(پی ایس بی )اسلام آبادمیں واقع لیاقت جمنازیم کی ناقص مرمت کے سبب عمارت میں پانی داخل ہونےسے نقصان ہونے کے باوجودٹھیکیدار کو نوازتے ہوئے قومی خزانےسے لاکھوں روپے کی ادائیگیاں کیے جانے کے الزام پر نیب کی جانب سے تحقیقات جاری ہیں ۔ذرائع کے مطابق اس سلسلے میں نیب کی جانب سے ٹھیکیدار چوہدری رحمت علی کو طلب کرنے کے علاوہ عمارت کی مرمت میں استعمال ہونے والے میٹریل کے نمونے بھی نیب حکام کی جانب سے حاصل کیے جاچکے ہیں ۔ جس کے بعد نیب تحقیقات سے بچنے کےلیے ٹھیکیدار چوہدری رحمت علی نےپی ایس بی حکام کے تعاون سے عمارت کی دوبارہ مرمت کا کام گزشتہ تین چار روز سے شروع کررکھا تھا،عمارت کے چھت کی مرمت دوسگے بھائیوں اور دو کزن کر رہے تھے 17سالہ سمیر مسیح مرمتی کام کے دوران حفاظتی انتظامات نہ ہونے کے سبب گر کرزندگی کی بازی ہار گیا ۔واقعہ کی اطلاع ملتے ہی تھانہ آبپارہ کے ہومی سائیڈ یونٹ کےسب انسپکٹر منیر احمد کی جانب سےسمیر مسیح کے ورثاء سے رابطہ کرکے قانونی کارروائی کے متعلق آگاہی حاصل کی تاہم نوجوان کے والد نے قانونی کارروائی کرنے سے انکاری ہونے کے علاوہ نعش کا پوسٹمارٹم بھی نہیں کروایا ۔سب انسپکٹر منیر احمد کا کہنا تھا کہ سمیر مسیح کے ورثاء کو اسسٹنٹ کمشنرشالیمار کے روبروپیش کیا گیا جہاں ورثاء کے بیانات قلمبند کرنے کے بعد نعش اہلخانہ کے سپر دکردی گئی۔اس معاملے پر لیاقت جمنازیم کے مرمتی کام کےمیسرز یونیورسل انٹر پرائزکے مالک اور منصوبے کےٹھیکیدار چوہدری رحمت علی کا رابطہ کرنے پرکہنا تھا کہ عمارت کے مرمتی کام کے دوران سمیر مسیح کی موت واقع ہوئی ۔چوہدری رحمت علی کی جانب سے اس بات کی بھی تصدیق کی گئی کہ عمارت کے مرمتی کام اور فنڈز کی ادائیگیوں کے متعلق نیب کی جانب سے تحقیقات کی جارہی ہیں اور وہ بطور ٹھیکیدار متعدد مرتبہ نیب کے سامنے پیش ہوچکے ہیں ۔جبکہ نیب کی جانب سے پی ایس بی حکام کو اس معاملے پربھی طلب کیا جاچکا ہے ۔نیب کی جانب سے مسلسل طلب کئے جانے کے بعد کیس سے بری الذمہ قرار دینے کے سوال پر چوہدری رحمت علی کا کہنا تھا کہ متعدد مرتبہ پیش ہونے کے باوجود نیب کی جانب سے انھیں کیس سے ڈسچارج نہیں کیا گیا ہے ۔انھوں نے ٹینڈر کے ذریعے لیا قت جمنازیم کی مرمت کا ٹھیکہ حاصل کیا تھا اور ٹھیکہ کی مد میں 2 کروڑ روپے سے لگ بھگ کی رقم اب بھی پی ایس بی کے ذمہ واجب الاداہے ۔ایک سوال کے جواب میں چوہدری رحمت علی کا کہنا تھا کہ انکے پاس نارروال اسپورٹس سٹی منصوبے کی چار دیواری کا ٹھیکہ بھی تھا اور نیب کی جانب سے اس کی بھی تحقیقات جاری ہیں ۔اسکے متعلق بھی نیب کو معلومات فراہم کردی گئی ہیں ۔اس سلسلے میں ایڈیشنل سیکرٹری وفاقی وزارت بین الصوبائی اور پی ایس بی کی قائمقام ڈی جی آمنہ عمران سے فون پر رابطہ کی کوشش کی گئی تاہم ان سے رابطہ نہ ہوسکا جس پر انھیں پیغام بھی بھیجا گیا تاہم انھوں نے جواب نہیں دیا؛
پاکستان اور آسڑیلیا کا ملٹری ٹو ملٹری تعاون کو مزید وسعت دینے کی خواہش کا اظہار
وفاقی دارالحکومت کی مثالی سکیورٹی، چور آئی جی کے گھر کے باہر سے ٹیلی فون کیبلز کاٹ کر لے گئے
بجٹ میں سرکاری ملازمین کی تنخواہوں اور پنشن میں کتنا اضافہ ہوگا؟
چائنہ سی پیک فیز ٹو کے ذریعے زراعت، صنعت اور ایکسپورٹ میں جدت لائے گا،شی یانگ چیانگ
کرغزستان میں پاکستانی طلبہ پر حملے جاری، وزیراعظم کی اسحاق ڈار کو فوری بشکیک پہنچنے کی ہدایت
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار