نیویارک(سی این پی)اقوام متحدہ میں پاکستان کی مستقل مندوب ڈاکٹر ملیحہ لودھی نے مقبوضہ کشمیر میں بگڑتی ہوئی صورتحال کے تناظر میں اقوام متحدہ اور عالمی برادری کے عملی اقدامات کی ضرورت پر زور دیتے ہوئے کہا ہے کہ مقبوضہ جموں و کشمیر میںکرفیو کا سلسلہ پانچ ہفتوں تک پھیل چکا ہے اور بھارت کی جانب سے لاک ڈائون اور جبر و استبداد کا سلسلہ بدستور جاری ہے۔ انہوں نے یہ بات اقوام متحدہ کے سیکرٹری جنرل انٹینیو گوئتریش سے ملاقات میں کہی ہے۔ ذرائع کے مطابق آدھے گھنٹے سے زیادہ ہونے والی اس ملاقات میں پاکستانی مستقل مندوب نے سیکرٹری جنرل کو مقبوضہ جموں و کشمیر میں پانچ اگست کے بعد پیدا ہونے والی سنگین صورتحال اور انسانی المیہ کے بارے میں تفصیل سے آگاہ کیا اور کہا کہ بھارت کے یکطرفہ ، غیرقانونی اور غیر آئینی اقدامات سے نہ صرف علاقائی بلکہ پوری دنیا کے امن و سلامتی کے لئے خطرات پیدا ہو گئے ہیں۔ انہوں نے سیکرٹری جنرل کو بتایا کہ مقبوضہ کشمیر میں سنگین المیہ کے تناظر میں پیشگی حفاظتی سفارت کاری کی اہمیت بڑھی ہے کیونکہ صرف اسی صورت میں صورتحال کو قابو سے باہر ہونے سے روکا جا سکتا ہے۔ پاکستانی مندوب نے کہا کہ وقت آ گیا ہے کہ عالمی برادری قانون، انصاف اور انسانی حقوق کے تحفظ کے معاملہ پر کھل کر اپنی رائے کا اظہار کرے۔ ڈاکٹر ملیحہ لودھی نے کہا کہ مقبوضہ کشمیر کی آئینی حیثیت کو ختم کرنے کرنے کے لئے بھارت نے جو اقدامات اٹھائے ہیں وہ غیرقانونی، غیرآئینی اور اقوام متحدہ کے چارٹر و سلامتی کونسل کی قراردادوں کے خلاف ہیں۔ بھارتی اقدامات سے کئی بحران پیدا ہو چکے ہیں، اس کے نتیجے میں جموں و کشمیر میں سیاسی و آئینی بحران کا آغاز ہو چکا ہے۔ پاکستان مسئلہ کشمیر کا ایک فریق ہے۔ انہوں نے بتایا کہ بھارتی اقدامات کے نتیجے میں مقبوضہ کشمیر کی صورتحال انتہائی تشویشناک ہو چکی ہے۔ مقبوضہ وادی میں 36روز سے کرفیو کا سلسلہ جاری ہے جس کے خاتمے کے کوئی اثرات دکھائی نہیں دے رہے۔
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر