لاہور(سی این پی )پاکستان تحریک انصاف کے سینئر مرکزی رہنما و سابق وفاقی وزیر ہمایوں اختر خان نے کہا ہے کہ ان ہائوس تبدیلی آرہی ہے اور نہ حکومت کہیں جارہی ہے ،اپوزیشن اپنا دل بہلانے کیلئے وسط مدتی انتخابات کے نعرے لگا رہی ہے جس پر قدغن نہیں لگا سکتے ، معیشت کی بہتری کیلئے ڈیڑھ سال میں جتنی کڑوی گولیاں نگلنا تھیں وہ نگل لی ہیںاوراب معیشت کا پہیہ اپنی رفتار سے گھمانے کیلئے عملی پیشرفت جاری ہے ۔ ان خیالات کا اظہار انہوں نے مقامی ہوٹل میں منعقدہ تقریب میں شرکت کے موقع پر صحافیوں سے گفتگو کرتے ہوئے کیا ۔ انہوںنے کہا کہ مسلم لیگ (ن)میں اس وقت نہ صرف واضح تقسیم ہے بلکہ اسے قیادت کے بحران کا بھی سامنا ہے ۔ بطور اپوزیشن مسلم لیگ (ن)اور پیپلز پارٹی کا کردار سب کے سامنے ہے ،پارلیمنٹ میں ملک کی بہتری کیلئے تجاویز دینے کی بجائے صرف اپنی کرپشن بچانے کا واویلا کیا جاتا ہے ۔ انہوں نے کہا کہ جو لوگ عوام کو مشکلات کی دلدل میں دھکیلنے کے ذمہ دار ہیں وہی آج اربوں روپے کی سبسڈی پیکج پر بھی شوروغوغا کر رہے ہیں ، اصل میں اپوزیشن بوکھلاہٹ کا شکار ہے اور اسے سمجھ ہی نہیں آرہی کہ اس نے کس سمت میں جانا ہے ۔ انہوں نے کہا کہ میثاق معیشت کے نعرے لگانے والے آج کہاں ہیں ، شہباز شریف کا لندن کے مہنگے ہوٹلوں اور لگژری اپارٹمنٹس میں بیٹھ کر پاکستان کی عوام کی مشکلات کا ذکر کرنا آنکھوں میں دھول جھونکنے کے مترادف ہے ۔ انہوں نے کہا کہ وزیر اعظم عمران خان جیسے جیسے مشکلات اور چیلنجز سے نمٹنے کیلئے اپنے عزم اور ولولے کا اظہار کرتے ہیں ویسے ویسے اپوزیشن کی سیاست کی نبض ڈوبنا شروع ہو جاتی ہے ، ان ہائوس تبدیلی نہیں آرہی اور حکومت اپنی پانچ سالہ آئینی مدت پوری کرے گی ، اپوزیشن سیاسی طو رپر مکمل بیروزگار ہے اگر وہ اپنے لوگوں کو ساتھ رکھنے اور دل بہلانے کیلئے وسط مدتی انتخابات کے نعرے بھی نہ لگائے تو کیا کرے۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک