اسلام آباد(سی این پی)پنجاب میں نواز شریف کے میڈیکل ٹیسٹ رپورٹس کے معاملے پر وفاقی وزیر فواد چودھری نے انکوائری کروانے کا مطالبہ کر دیا۔ انہوں نے کہا پنجاب میں ٹیسٹ مشکوک تھے، پنجاب حکومت انکوائری کروائے۔وفاقی وزیر سائنس اینڈ ٹیکنالوجی فواد چودھری نے اپنے ٹویٹ میں کہا کہ آخر نواز شریف کی میڈیکل رپورٹس برطانیہ سے کیوں نہیں بھجوائی جا رہیں ؟ بظاہر اس کی ایک ہی وجہ ہے کہ برطانیہ میں ہونیوالے ٹسٹ پاکستان میں ہونیوالے میڈیکل ٹسٹ سے مختلف ہیں، برطانوی ڈاکٹر نواز شریف کو شدید بیمار قرار دینے سے ہچکچا رہے ہیں، اس کا ایک مطلب ہے کہ پنجاب حکومت نے جو میڈیکل ٹسٹ کروائے وہ مشکوک تھے، پنجاب حکومت کو ایک انکوائری بٹھانی چاہئے۔فواد چودھری کا کہنا تھا انکوائری میں محکمہ صحت، لیبارٹری اور ڈاکٹرز کی شریف خاندان سے ملی بھگت کا جائزہ لیا جائے، عوام کے سامنے مکمل حقائق رکھے جائیں۔ادھر پارلیمانی لاجز میں یوٹیلٹی سٹور کے معاملے پر تنقیدی خبر کے جواب میں فواد چودھری نے ایک اور ٹویٹ میں کہا کہ یوٹیلٹی سٹور شروع سے پیپلز پارٹی کے دور سے پارلیمنٹ لاجز میں موجود ہے، بند اس لئے نہیں کیا کہ وزارت صنعت کے مطابق اس سہولت سے لاجز میں متعین سرکاری ملازمین، ڈرائیورز، سیکرٹریٹ کے ملازمین اور دیگر کم آمدنی والے لوگ فائدہ اٹھا رہے ہیں، ہر وقت تنقید کے موڈ میں رہنا صحت کیلئے اچھا نہیں۔
وزیراعظم سے آئی ایم ایف سربراہ کی ملاقات، ایک نئے قرض پروگرام پر تبادلہ خیال
کیپٹن کرنل شیرخان شہید کےمزار کی تزئین و آرائش مکمل
اسلام آباد پولیس کے14 ڈی ایس پیز کے تقرر اور تبادلے
مالکان کو ورکرز کا تحفظ اور صحت مند ماحول یقینی بنانا چاہیے، وزیراعلیٰ پنجاب
وزیراعظم نے اسحاق ڈار کو نائب وزیر اعظم مقرر کردیا، نوٹیفکیشن جاری
وزیراعظم کی صدر اسلامی ترقیاتی بینک سے ملاقات، پاکستان میں جاری منصوبوں پر پیش رفت کا جائزہ لیا گیا
موسمیاتی تبدیلی نے پاکستان کو بہت متاثر کیا، 2022ء کے سیلاب نے ملک کو تباہ کردیا، وزیر اعظم
جسٹس بابر ستار کے پاس اس وقت پاکستان کے علاوہ کسی اور ملک کی شہریت نہیں، اسلام آباد ہائی کورٹ
اغوا ہونے والے جج شاکراللہ مروت کا مقدمہ تھانہ سی ٹی ڈی ڈیرہ اسمٰعیل خان میں درج
ڈیرہ اسماعیل خان میں سکیورٹی فورسز کا آپریشن، 2 دہشتگرد ہلاک