پشاور(سی این پی) بس ریپڈ ٹرانزٹ(بی آر ٹی)منصوبے کو 3 ماہ بعد مستقل پراجیکٹ ڈائریکٹر مل گیا، کے پی حکومت نے ظفر علی شاہ کو ڈی جی پی ڈی اے تعینات کرنے کا فیصلہ کر لیا۔نجی ٹی وی کے مطابق 3 ماہ سے ظفر علی شاہ کے پاس ڈی جی پی ڈی اے کا اضافی چارج تھا، تاہم اب انھیں مستقل طور پر پراجیکٹ ڈائریکٹر تعینات کر دیا گیا ہے۔سرکاری ذرائع کا کہنا تھا کہ محکمہ بلدیات نے ظفر علی شاہ، مطیع اللہ خان اور عطا الرحمان کے نام بھجوائے تھے، وزیر اعلی کے پی محمود خان نے ڈی جی پی ڈی اے کے لیے ظفر علی شاہ کے نام کی منظوری دے دی۔ڈی جی پی ڈی اے کے نام کی منظوری آج کے پی کابینہ سے بھی لی جائے گی۔ خیال رہے کہ بی آر ٹی منصوبے کے دوران پی ڈی اے کے 3 ڈی جیز کو ہٹایا جا چکا ہے۔گزشتہ ماہ وزیر ٹرانسپورٹ شاہ محمد نے کہا تھا کہ 30 جون 2020 تک بی آر ٹی منصوبہ مکمل کر لیں گے، ٹھیکے دار کے ساتھ معاہدہ ہو گیا ہے، وقت پر کام مکمل ہو جائے گا، اگر کام وقت پر مکمل نہیں کیا گیا تو جرمانہ عائد کریں گے۔اس سے قبل ایف آئی اے نے پشاور میں ہائی کورٹ کے حکم پر بی آر ٹی منصوبے کی انکوائری شروع کی تھی، تاہم رواں ماہ کے آغاز میں سپریم کورٹ نے بی آر ٹی پشاور کی تحقیقات کے حکم پر عمل درآمد روک دیا تھا، اور منصوبے کی لاگت اور تکمیل کی تفصیلات طلب کر لی تھیں۔ سپریم کورٹ نے فریقین کو نوٹسز جاری کرتے ہوئے معاملہ جوں کا توں رکھنے کا حکم بھی دے دیا تھا۔
وزیراعظم سے آئی ایم ایف سربراہ کی ملاقات، ایک نئے قرض پروگرام پر تبادلہ خیال
کیپٹن کرنل شیرخان شہید کےمزار کی تزئین و آرائش مکمل
اسلام آباد پولیس کے14 ڈی ایس پیز کے تقرر اور تبادلے
مالکان کو ورکرز کا تحفظ اور صحت مند ماحول یقینی بنانا چاہیے، وزیراعلیٰ پنجاب
وزیراعظم نے اسحاق ڈار کو نائب وزیر اعظم مقرر کردیا، نوٹیفکیشن جاری
وزیراعظم کی صدر اسلامی ترقیاتی بینک سے ملاقات، پاکستان میں جاری منصوبوں پر پیش رفت کا جائزہ لیا گیا
موسمیاتی تبدیلی نے پاکستان کو بہت متاثر کیا، 2022ء کے سیلاب نے ملک کو تباہ کردیا، وزیر اعظم
جسٹس بابر ستار کے پاس اس وقت پاکستان کے علاوہ کسی اور ملک کی شہریت نہیں، اسلام آباد ہائی کورٹ
اغوا ہونے والے جج شاکراللہ مروت کا مقدمہ تھانہ سی ٹی ڈی ڈیرہ اسمٰعیل خان میں درج
ڈیرہ اسماعیل خان میں سکیورٹی فورسز کا آپریشن، 2 دہشتگرد ہلاک