اسلام آباد(سی این پی) وفاقی دالحکومت میں کورونا وائرس کے مشتبہ مریضوں کی تعداد بڑھنے کا خدشہ ظاہر کیا گیا ہے ، جس کے پیش نظر انتظامیہ کو الرٹ اور تین بڑی عمارتوں کو قرنطینہ میں تبدیل کردیا گیا ہے۔تفصیلات کے مطابق اسلام آبادمیں کورونا وائرس کے مشتبہ مریضوں کی تعدادبڑھنے کاخدشے کے پیش نظر انتظامیہ کو الرٹ کردیا گیا ہے اور تین بڑی عمارتیں قرنطینہ قرار دیدی گئیں ہیں۔اس حوالے سے نوٹیفکیشن بھی جاری کردیا گیا ہے ، جس میں کہا گیا قرنطینہ قرار عمارتوں کیلئے انچارج اور فوکل پرسنزتعینات ہوں گے ، پہلا قرنطینہ پاک چائنہ فرینڈشپ سینٹرمیں قائم کیا گیا اور ڈاکٹر سرتاج کو نگران مقرر کردیا گیا ہے۔نوٹیفکیشن کے مطابق دوسرا قرنطینہ ڈاکٹرصابرایوب کے زیر نگرانی حاجی کیمپ میں بنایا گیا جبکہ آئی 9سیکٹر میں او جی ڈی سی ایل عمارت بھی قرنطینہ میں تبدیل کردیا گیا ہے ، او جی ڈی سی ایل عمارت کی نگرانی ڈاکٹر ولیدکریں گے۔ڈائریکٹرایکسائزبلال اعظم،اسٹنٹ کمشنرگوہرزمان، مہرین بلوچ کو فوکل پرسن مقرر کیا گیا جبکہ صورتحال بگڑنے پرمزیدقرنطینہ بنانے کے لیے 2نجی ہوٹل بھی مقرر کر دیئے گئے ہیں۔خیال رہے پاکستان میں کوروناوائرس کیسزکی تعداد1625 تک پہنچ گئی، کوروناوائرس کے باعث اموات کی تعداد 20 ہوگئی ہے اور 11کی حالت تشویشناک ہیں جبکہ وائرس کے 28 مریض صحتیاب ہوچکے ہیں۔
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر