اسلام آباد(سی این پی) وزیراعظم عمران خان نے وفاقی کابینہ کے اجلاس میں مختلف شہروں میں آٹے کی قلت پربرہمی کا اظہار کرتے ہوئے کہا اشیائے خوردونوش کی قیمتوں میں اضافے پرصوبے بھی ایکشن لیں۔تفصیلات کے مطابق وزیراعظم عمران خان کی زیرصدارت وفاقی کابینہ کا اجلاس ہوا، جس میں کورونا وائرس کے باعث ملک کی مجموعی صورتحال کا جائزہ لیا گیا اور کورونا ریلیف پیکج کی منظوری دے دی گئی، اقتصادی رابطہ کمیٹی نے گزشتہ روز کوروناریلیف پیکج منظورکیا تھا۔ذرائع کا کہنا ہے کہ اجلاس میں مختلف شہروں میں آٹے کی قلت کی شکایات پر وزیراعظم نے برہمی کا اظہار کرتے ہوئے استفسار کیا کہ جب آٹاوافرمقدار میں موجودہے توکون قلت پیدا کر رہا ہے۔ذرائع کے مطابق وزیراعظم عمران خان نے وزیر فوڈ سیکیورٹی کو فوری ایکشن کی ہدایت کرتے ہوئے کہا اشیائے خورد و نوش کی قیمتوں میں اضافہ ناقابل قبول ہے، اشیائے خوردونوش کی قیمتوں میں اضافے پرصوبے بھی ایکشن لیں۔عمران خان نے مزید کہا کہ ذخیرہ اندوزی ہو رہی ہے تو ایسے افرادکوبنا رعایت سزائیں دیں۔اجلاس میں وفاقی وزرا نے حکومتی اقدامات کی بہتر تشہیر نہ ہونے پر اظہار تشویش کرتے ہوئے کہا وزیراعظم کے بروقت،درست اقدامات کو نمایاں انداز میں پیش نہیں کیاگیا۔ذرائع کے مطابق وفاقی وزیر مراد سعید اور فیصل واوڈا نے بھی معاملہ کابینہ کے سامنے اٹھایا اور کابینہ اجلاس کے دوران ایکسپورٹرز کا مال روکے جانے کے معاملے پر بھی بحث ہوئی۔وفاقی وزیر فیصل واوڈا کا کہنا تھا کہ رائس ایکسپورٹرز کا 2ارب روپے کا مال خراب ہو رہا ہے، ایکسپورٹرز کیلئے گزشتہ ہفتے ایس آراوجاری کرنے کی ہدایت کی تھی، وزیراعظم کی ہدایات کے باجود تا حال عمل درآمد نہیں ہوا۔وزیراعظم عمران خان نے ایکسپورٹرز کا مال روکے جانے کی اطلاعات کا نوٹس لیتے ہوئے کہا گڈزٹرانسپورٹ سمیت ایکسپورٹرزکا مال نہیں روکا جانا چاہئے، متعلقہ وزارت اور اعلی حکام معاملے کو فوری دیکھیں۔کابینہ ارکان نے کہا کہ ٹرک اڈوں پرٹرانسپورٹرز کیہوٹلزبندہیں،ڈرائیورز کچھ کھا پی نہیں سکتے جبکہ کابینہ میں ٹرانسپورٹرز کے لئے مخصوص ہوٹلز کھولے جانے کی تجویز بھی پیش کی گئی۔
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر