ٹورنٹو(سی این پی) چین کی کسینو بائیو لوجکس کمپنی کی جانب سے کرونا ویکسین کینیڈا میں تیار اور ٹیسٹ کی جاسکتی ہے۔تفصیلات کے مطابق نیشنل ریسرچ سینٹر کا کہنا ہے کہ وہ منٹریال میں سرکاری سہولت پر کسینو کمپنی ویکسین کے لیے پیداواری عمل کو بڑھا دے گی۔چینی کمپنی ڈرگ ریگولیٹر ہیلتھ کینیڈا کے لیے کلینیکل ٹرائل اپیلی کیشن تیار کر رہی ہے۔کسینو ویکسین ابتدائی آزمائش میں ہے اور یہ جاننے کا کوئی طریقہ نہیں ہے کہ یہ کام کرے گی یا نہیں لیکن اگر ایسا ہوتا ہے تو اس تعاون سے یہ یقینی بنانے میں مدد مل سکتی ہے کہ کینیڈا کو اس تک رسائی حاصل ہوگی۔مقامی آزمائشی اعداد وشمار سے کینیڈا کے ہیلتھ ڈپارٹمنٹ کو یہ یقین دہانی ہوسکتی ہے کہ یہ ویکسین محفوظ ہے اور مقامی مینوفیکچرنگ اس بات کو یقینی بنا سکتی ہے کہ کچھ خوراکیں باقی ہیں۔ایک ویکسین جو لوگوں کو کرونا وائرس سے بچاتی ہے وہ آخر کار وبائی مرض کا خاتمہ کرسکتی ہے، لیکن ایسی خوراک تلاش کرنا جو کام کرے اور کافی مقدار میں خوراک تیار کرنا ایک بہت بڑا چیلنج ہے۔کسینو ویکسین ایک سیل لائن کا استعمال کرتے ہوئے نیشنل ریسرچ سینٹر میں تیار کی گئی، کمپنی نے ایبولا ویکسین تیار کرنے کے لیے اسی سیل لائن کا استعمال کیا تھا۔این آر سی اور ہیلتھ کینیڈا نے فوری طور پر ان سوالوں کا جواب نہیں دیا کہ آیا اس تعاون سے ہیلتھ کینیڈا کے لیے یہ ممکن ہوجائے گا کہ وہ ویکسین کا اندازہ کرنے کے لیے چین میں جمع ہونے والے ٹرائل ڈیٹا پر غور کرے۔
