کویت(سی این پی)کویت کی فضائی کمپنی نے کورونا وائرس کے خلاف فرنٹ لائن پر لڑنے والوں کے لیے مفت ٹکٹس کا اعلان کیا ہے۔میڈیا رپورٹس کے مطابق کویتی فضائی کمپنی جزیرہ ائیرلائن نے کورونا وائرس کے خلاف فرنٹ لائن پر لڑنے والے عملے کے لیے بطور تحفہ سیرو تفریح کے لیے فری ٹکٹ دینے کا اعلان کیا ہے۔تفصیلات کے مطابق جزیرہ ائیرلائن ملک بھر میں کورونا کے خلاف برسرپیکار عملے کے لیے 50 ہزار مفت ٹکٹ جاری کرے گی جو عملے کا شکریہ ادا کرنے کے لیے بطور تحفہ دیے جائیں گے۔ائیرلائن کی جانب سے جاری بیان میں کہا گیا ہیکہ ٹکٹ جاری کرنے کا فیصلہ امیر قطر کی ہدایت پر کیا گیا ہے جو حکومت کی طرف سے کورونا کے خلاف لڑنے اور وبا سے لوگوں کی جان بچانے کو ترجیح دینے والوں کے لیے تحفہ ہے۔ائیرلائن کے مطابق فری ٹکٹ کی معیاد 2021 تک ہوگی جس کے ذریعے دنیا میں کسی بھی مقام پر سفر کیا جاسکتا ہے۔ائیرلائن کا کہنا ہے کہ ٹکٹ کے لیے لوگوں کا انتخاب سرکاری طور پر کیا جائے گا۔
