کراچی(سی این پی)محکمہ تعلیم سندھ نے پرائمری اسکولوں کے لیے آن لائن ایجوکیشن متعارف کرادی۔محکمہ تعلیم سندھ کے مطابق کے جی سے پانچویں جماعت تک طلبہ کو آن لائن ایجوکیشن دی جائے گی، آن لائن تعلیم کے لئے ایس ای ایل ڈی لرننگ نامی ایپ تیار کرلی گئی ہے، جس میں میتھس، سائنس، انگلش اور اردو کے مضامین آن لائن پڑھائے جائیں گے، آن لائن کورس انگریزی، اردو اور سندھی زبان میں موجود ہیں جب کہ چھٹی سے 12ویں جماعت تک آن لائن ایجوکیشن پر ابھی کام جاری ہے۔
