مسقط(سی این پی) عمان میں قانون نافذ کرنے والے ادارے نے اہم کارروائی کرکے بڑی کامیابی حاصل کرلی، بھاری مالیت کی منشیات ملک میں منتقل کرنے کی کوشش ناکام ہوگئی۔میڈیا رپورٹ کے مطابق ملزمان بھاری مالیت کی منشیات عمان اسمگل کرنا چاہتے تھے جسے کسٹم اہلکاروں نے ناکام بنا دی، سیکیورٹی حکام نے تمباکو سمیت دیگر منشیات ضبط کرلی ہے۔عمان میں یہ منشیات اسمگلنگ کے خلاف ہونے والی بڑی کارروائیوں میں سے ایک ہے۔ابتدائی رپورٹ میں کسٹم حکام نے صرف منشیات کے پکڑے جانے کی اطلاع دی ہے، امکان ظاہر کیا جارہا ہے کہ اس کارروائی میں ملزمان کی گرفتاری بھی عمل میں آئی ہوگی۔خیال رہے کہ عمان حکومت ملک میں غیرقانونی اقدامات کے علاوہ کرونا کے خلاف بھی کمر بستہ ہے، انتظامیہ کی موثر حکمت عملی سے مثبت نتائج سامنے آرہے ہیں۔عمان میں مجموعی طور پر کرونا کے 30 ہزار کیسز رپورٹ ہوئے جبکہ 131 اموات ہوئی ہیں۔
