پٹنا (سی این پی)بھارت میں کورونا لاک ڈائون کے دوران شادی کرنے والا دولہا وائرس میں مبتلا ہوکرمرگیا۔ میڈیا رپورٹس کے مطابق ریاست بہار کے شہر پٹنا میں کورونا لاک ڈائون کے دوران شادی کی تقریب ہوئی جو وائرس کے پھیلنے کا سبب بن گئی جب کہ دولہا خود وائرس کا شکار ہوکر جان سے چلا گیا۔ میڈیا کا بتانا ہے کہ پٹنا کے رہائشی نوجوان کی حالت کچھ دنوں سے خراب تھی اور اس میں کورونا کی علامات تھیں لیکن گھر والوں نے شادی کی وجہ سے نوجوان کا کورونا ٹیسٹ نہیں کرایا تھا۔شادی سے چند روز قبل نوجوان مقامی اسپتال میں زیر علاج تھا جہاں اس کے گھر والے زبردستی اسے گھر لے گئے اور شادی کرنے پر مجبور کیا تاہم نوجوان شادی کے اگلے روز ہی طبیعت بگڑنے پر چل بسا۔ واقعے کی اطلاع ملنے پر انتظامیہ حرکت میں آئی لیکن مرنے کے بعد نوجوان کا کورونا ٹیسٹ نہیں کیا جاسکتا تھا اور اس کے گھر والے اس کی آخری رسومات بھی ادا کرچکے تھے۔میڈیا رپورٹ کے مطابق شادی میں تقریبا 350 افراد نے شرکت کی جن میں سے بیشتر افراد کو کورونا کی علامات محسوس ہوئیں اور ٹیسٹ کرانے پر دولہا کے رشتے داروں سمیت 100 افراد میں وائرس کی تشخیص ہوئی۔ضلعی انتظامیہ نے شادی کی تقریب میں 50 افراد سے زائد کی شرکت پر تحقیقات کا حکم دیا ہے۔بھارتی ریاست بہار میں کورونا کے کیسز کی تعداد 9700 سے زائد ہے جب کہ 62 افرادمرچکے ہیں۔
کراچی،بچوں کو منشیات سے محفوظ رکھنے کیلئے اسکولوں پر کڑی نظر رکھنے کا فیصلہ
بشریٰ بی بی کی اڈیالہ جیل منتقلی کی درخواست پر فیصلہ محفوظ
پنجاب میں امریکی سرمایہ کاری کیلئے محفوظ ماحول فراہم کریں گے، مریم نواز
مولانا کے مارچ سے سختی کرنے کا کوئی ارادہ نہیں،رانا ثناء اللہ
وزیراعلیٰ پنجاب کیخلاف پولیس یونیفارم پہننے کے کیس کی سماعت پھر ملتوی
پولیس پتہ کرے کہ کراچی سے چوری گاڑیاں اور موبائل فون جاتے کہاں ہیں؟ صدر مملکت
مزدوروں کے عالمی دن کے موقع پر نیشنل پریس کلب میں بڑا اجتماع
مزدوروں کی محنت سے دنیا بھر میں معیشت چلتی ہے، بلاول بھٹو
ہم فلسطینیوں کے ساتھ قدم کے ساتھ قدم ملا کر کھڑے ہیں، مولانا فضل الرحمان
آج واقعی بندہ مزدور کے اوقات بہت سخت اور زندگی غریب آدمی پر بہت تنگ ہے، وزیر اعظم