مسقط(سی این پی)عمانی بچے نے اپنی جان دا ئوپر لگا کر معذور والدہ اور بہن بھائیوں کو موت کے منہ سے بچا لیا۔تفصیلات کے مطابق نو سالہ عمانی لڑکے المتسیم الشکسی نے بتایا کہ میں اپنے چھوٹے بھائی کے ساتھ ٹی وی دیکھ رہا تھا کہ اچانک میں نے اپنی بہن کو چیختا ہوا سنا اور دیکھا کہ ہمارے کمرے میں آگ لگ گئی ہے اور دھواں تیزی سے پھیل رہا ہے۔المتسیم الشکسی کا کہنا تھا کہ سب سے پہلے میں اپنی پانچ سالہ بہن، سات سالہ اور ایک سالہ بھائی کو فورا لے کر گھر سے باہر نکلا اور پھر دوبارہ گھر میں داخل ہوا تاکہ اپنی معذور والدہ کو بچا سکوں۔نو سالہ بہادر بچے کی والدہ نے بتایا کہ میرے بیٹے نے بہادری کا مظاہرہ کرتے ہوئے مجھے اور اپنے بہن بھائیوں کو نہ صرف بچایا بلکہ مدد کے لیے پڑوسیوں کو بھی پکارا۔انہوں نے کہا کہ خدا کے فضل سے حادثے میں کوئی زخمی نہیں ہوا۔المتسیم الشکسی کی والدہ کا کہنا تھا کہ مجھے اپنے بیٹے پر فخر ہے اس نے اپنی جان دائو پر لگا کر ہم سب کو بچایا۔پبلک اتھارٹی فار سول ڈیفنس اینڈ ایمبولینس کے بریگیڈیئر جنرل نے التصیلیہ کے گورنری دفتر میں اپنے اہل خانہ کو آگ سے بچانے پر المتسیم الشکسی کو اعزاز سے نوازا اور ان کی بہادری کی تعریف کی۔
