لاہور(سی این پی) اورنج لائن میٹرو ٹرین منصوبے کا سول، مکینکل اور الیکٹریکل کام مکمل ہو گیا۔لاہو ڈویلپمنٹ اتھارٹی (ایل ڈی اے)نے اورنج لائن ٹرین منصوبے کے سول، مکینکل اور الیکٹریکل کام کے مکمل ہونے کا سرٹیفکیٹ بھی جاری کر دیا ہے۔ترجمان ایل ڈی اے کا کہنا ہے کہ آئندہ تین سال تک ٹریک کی مرمت کی ذمہ داری ایل ڈی اے کی ہو گی۔ایل ڈی اے ترجمان کا یہ بھی کہنا ہے کہ ان کا محکمہ کنٹریکٹرز کو مرمت کے عوض کوئی معاوضہ ادا نہیں کرے گا، تین سال بعد مرمت کا ٹھیکہ دوبارہ دیا جائے گا۔یاد رہے کہ چند روز قبل ہی پنجاب حکومت نے اورنج لائن میٹرو منصوبے کا کرایہ 40 روپے مقرر کیا ہے۔
