کراچی(سی این پی) معروف عالم دین مولانا ڈاکٹر عادل خان کے قاتلوں کی گرفتاری کی اطلاع دینے پر انعام رکھ دیا گیا۔حکومت سندھ کی جانب سے جاری اعلامیے کے مطابق مولانا عادل کے قاتلوں کی اطلاع دینے والے کو 50 لاکھ روپے انعام دیا جائے گا۔ایڈیشنل چیف سیکرٹری نے وزیراعلی سندھ مراد علی شاہ کی منظوری کے بعد انعامی رقم کا اعلان کیا۔نوٹیفکیشن میں کہا گیا ہے کہ ملزمان کی اطلاع کسی بھی قریبی تھانے میں دی جا سکتی ہے، اطلاع دینے والے کا نام صیغہ راز میں رکھاجائے گا۔خیال رہے کہ مہتمم جامعہ فاروقیہ مولانا عادل کو 10 اکتوبر کو کراچی کے علاقے شاہ فیصل ٹائون میں موٹر سائیکل سوار ملزمان نے فائرنگ کر کے شہید کیا تھا۔
