کراچی(سی این پی)پی آئی اے میں سابقہ دور میں ڈیلی ویجز ملازمین کی بھرتیوں کے دوران بے ضابطگیوں کا انکشاف ہوا ہے، اعلی حکام نے بے ضابطگیوں سے متعلق چار رکنی ٹیم بناکر تحقیقات کا آغاز کردیا۔تفصیلات کے مطابق پاکستان انٹرنیشنل ایئرلائن میں ایک کے بعد ایک بے ضابطگی کا انکشاف ہورہا ہے، سابقہ دور میں ڈیلی ویجز ملازمین کی بھرتیاں بھی بے ضابطگی کا شکار نکلیں، پی آئی اے نے بھریتوں میں بے ضابطگیوں سے متعلق تحقیقات شروع کردیں۔نوٹیفکیشن میں بتایا گیا ہے کہ پی آئی کے جی ایم ایچ آر ونگ کمانڈر کامران انجم کو تحقیقاتی ٹیم کا سربراہ مقرر کیا گیا ہے۔نوٹیفکیشن کے مطابق پی آئی اے میں ڈیلی ویجز ملازمین سے متعلق اسکائی رومز کمپنی کے حکام کے خلاف بھی تحقیقات کی جائیں گئی، تحقیقات میں دیکھا جائے گا کہ پی آئی اے کے کون کون افسران بھریتوں کی بے ضابطگیوں میں ملوث ہیں۔نوٹیفیکشن کے مطابق تحقیقاتی ٹیم متعلقہ شعبے کی منیجمنٹ سے ریکارڈ کے لیے کسی کو بھی طلب کرنے اختیارات حاصل ہے، تحقیقاتی ٹیم مستقبل میں ڈیلی ویجز پر پی۔آئی۔اے میں بھرتیوں سے بچنے کے لیے طریقہ کار بھی وضع کرے گی۔نوٹیفکیشن کے مطابق ٹیم تین دن میں سفارشات کے ساتھ رپورٹ سی ای او پی آئی اے کو پیش کرے گی۔
پاکستان اور آسڑیلیا کا ملٹری ٹو ملٹری تعاون کو مزید وسعت دینے کی خواہش کا اظہار
وفاقی دارالحکومت کی مثالی سکیورٹی، چور آئی جی کے گھر کے باہر سے ٹیلی فون کیبلز کاٹ کر لے گئے
بجٹ میں سرکاری ملازمین کی تنخواہوں اور پنشن میں کتنا اضافہ ہوگا؟
چائنہ سی پیک فیز ٹو کے ذریعے زراعت، صنعت اور ایکسپورٹ میں جدت لائے گا،شی یانگ چیانگ
کرغزستان میں پاکستانی طلبہ پر حملے جاری، وزیراعظم کی اسحاق ڈار کو فوری بشکیک پہنچنے کی ہدایت
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار