مظفرآباد(سی این پی )چئیرپرسن وویمن کمیشن آزادکشمیر تہمینہ صادق خان نے اقوام متحدہ اور عالمی برادری سے کہا ہے کہ وہ تنازعہ کشمیر کو کشمیریوں کی خواہشات کے مطابق حل کرانے کیلئے اپنا ذمہ دارانہ کردار ادا کرے اورحکومت پاکستان بھارتی اقدامات کو دنیا بھر میں بے نقاب کرنے کیلئے جارحانہ سفارتی مہم چلائے۔اپنے بیان میں انھوں نے کہا ہے کہ بھارت نے مقبوضہ جموں و کشمیر کو عملاً فوجی چھاؤنی میں تبدیل کررکھاہے۔ نام نہاد جمہوریت اور سیکولرازم کے دعویدار بھارت کی فوج مقبوضہ جموں و کشمیر میں بڑے پیمانے پرانسانی حقوق کی پامالیوں میں ملوث ہے۔انہوں نے کہا کہ کشمیری عوام نے بھارت کے غیر قانونی تسلط اور 5 اگست 2019 کے غیر قانونی اور یکطرفہ اقدمات کو یکسر مسترد کیا ہے۔ انہوں نے کہاکہ قابض انتظامیہ نے کشمیری حریت قیادت کو گھروں اور جیلوں میں مسلسل نظربند کر رکھا ہے جبکہ بھارتی فورسز نے پبلک سیفٹی ایکٹ سمیت کالے قوانین کے تحت ہزاروں کشمیریوں کو جیلوں میں بند کیا گیا ہے۔انہوں نے کہا کہ یہ انسانی حقوق کی تذلیل ہے کہ درندہ صفت بھارتی فوجی نہتے کشمیری نوجوانوں کو والدین کے سامنے بدترین ظلم و تشدد کا نشانہ بنانے کے بعد لاپتہ کردیتے ہیں۔انہوں نے کہا کہ طاقت کے بل پر کسی بھی قوم کو زیادہ دیر تک غلام بنا کر نہیں رکھا جا سکتا۔ کشمیری عوام اپنے آزادی کے حق کیلئے جدوجہد جاری رکھے ہوئے ہیں۔انہوں نے کہاکہ ہندو انتہاپسند تنظیموں کے فسطائی ایجنڈے پر عمل پیرا بھارتی حکومت کشمیری عوام کو تمام بنیادی حقوق سے محروم کررہی ہے۔
وزیراعظم محمد شہبازشریف کی ملائیشیا کے تجارتی وفد کو دورہ پاکستان کی دعوت
پاکستان بار کونسل کے 6 ممبران کا اسلام آباد ہائیکورٹ کے جج صاحبان کے ساتھ کھڑا ہونے کا اعلان
قرضوں کا جال موت کا پھندا بن گیا، وزیراعظم
ترک بری افواج کے کمانڈر کو نشان امتیاز (ملٹری) کا اعزاز عطا
اگر پی ٹی آئی اکثریتی جماعت ہے تو اسے حکومت دے دو‘ مولانا فضل الرحمٰن
سکیورٹی فورسز کا آپریشن، 4 دہشتگرد ہلاک
پی ٹی آئی کے ساتھ کسی ڈیل کا علم نہیں ، محسن نقوی
آرمی چیف سے ترک لینڈ فورسز کے کمانڈر کی ملاقات، دفاعی تعاون بڑھانے پر تبادلہ خیال
محسن نقوی کا پاسپورٹ آفس گارڈن ٹاؤن کا دورہ، رشوت کی شکایات پر ڈائریکٹرز تبدیل
گندم کے معاملے پر نگران حکومت نے غلط فیصلے کیے، احسن اقبال