ریاض (سی این پی)سعودی کسٹم حکام نے ریاست میں سگار کی درآمد پر نئی پابندیاں عائد کردیں، اب سگار کس طرح درآمد کی جاسکتی ہے؟میڈیا رپورٹس کے مطابق خلیجی ریاست سعودی عرب میں سگار پینے کے شوقین افراد مشکل سے دوچار ہوگئے، کیونکہ کسٹم حکام نے سگاریللو نامی سگار پر نئی پابندیاں لاگو کردی ہیں۔کسٹم حکام کا کہنا ہے کہ نئی پابندیوں کا نفاذ تمام افراد پر ہوگا خواہ وہ مسافر ہوں یا عام افراد ہوں۔سعودی کسٹم کا کہنا ہے کہ کوئی بھی شخص تین ماہ کے دوران بھاری پیکٹ والے 125 سگار منگوا سکتا ہے اور اس کلاس کے 25 سگار مسافر لاسکتا ہے جبکہ ہلکے پیکٹ والے 2400 سگار ہر ماہ میں کوئی بھی شخص لاسکے گا۔کسٹم حکام نے پابندیوں کی وضاحت کرتے ہوئے کہا کہ اس طرح کے 200 سگار عام مسافر کو لانے کی اجازت ہوگی۔میڈیا رپورٹس کے مطابق کسٹم حکام کی جانب سے تمام ٹیکس چار فروری دو ہزار اکیس سے نافذ کردئیے گئے ہیں۔
