سیئول(سی این پی)شمالی کوریا کے رہنما کم جونگ ان کی بااثر بہن اور مشیرکم یو جنگ نے جنوبی کوریا کے صدر مون جے ان کو امریکا کا پالتو طوطا قرار دے دیا۔میڈیا رپورٹس کے مطابق شمالی کوریا کی جانب سے حالیہ بیلسٹک میزائل تجربے پرجنوبی کورین صدر مون جے ان کی تنقید پر کم یو جونگ نے اپنے بیان میں کہا کہ صدر مون جے ان آخر امریکی پالتو طوطے ہیں، انہوں نے شمالی کوریا کیلئے جو زبان استعمال کی، وہ امریکی سوچ کے عین مطابق تھی۔واضح رہے شمالی کوریا کی جانب سے گزشتہ ہفتے 2 بیلسٹک میزائل داغے گئے تھے، شمالی کوریا کی جانب سے میزائل تجربات کو قومی سلامتی کیلئے ضروری اقدام قرار دیا گیاتھا۔چند روز قبل شمالی کورین لیڈر کے نائب ری پیونگ چول نے بھی امریکی صدر جوبائیڈن کی جانب سے بیلسٹک میزائل تجربات کے خلاف بیان کو تنقید کا نشانہ بنایا تھا، انہوں نے کہاکہ صدر جوبائیڈن شمالی کوریا کے حق دفاع کیخلاف اشتعال انگیزی پھیلانے سے باز رہیں۔ ری پیونگ چول کا کہنا تھا کہ امریکہ خود تو دور مار میزائل تجربات آزادانہ طور پر کرتا ہے جبکہ دوسرے ممالک کو اپنے دفاع کیلئے ضروری اقداما ت سے روکنے کی کوشش کرتا ہے۔
