اسلام آباد(سی این پی) وزیر مملکت برائے اطلاعات و نشریات فرخ حبیب کا کہنا ہے کہ ملکی برآمدات میں 13.5 فیصد اضافہ ہوا، مجموعی ذخائر 23 ارب ڈالر کی سطح پر پہنچ چکے ہیں۔تفصیلات کے مطابق وزیر مملکت برائے اطلاعات و نشریات فرخ حبیب کا کہنا ہے کہ ملکی برآمدات میں 13.5 فیصد اضافہ ہوا، بڑے پیمانے کی صنعتیں 9 فیصد کی شرح سے ترقی کررہی ہیں۔وزیر مملکت کا کہنا تھا کہ زرمبادلہ کے مجموعی ذخائر 23 ارب ڈالر کی سطح پر پہنچ چکے ہیں، چاول کی پیداوار میں 13، مکئی کی 7، اور گندم کی پیداوار میں 8.1 فیصد اضافہ ہوا۔انہوں نے کہا کہ مسلم لیگ ن کے اسحق ڈار معیشت میں بارودی سرنگیں بچھا کر گئے، اسحق ڈار 15 دنوں کے فارن ریزرو چھوڑ کر گئے تھے۔فرخ حبیب کا مزید کہنا تھا کہ اسحق ڈار کے جانے کے وقت ایکسپورٹس کم ہورہی تھیں، تجارتی خسارہ 40 ارب تھا اور ترسیلات زر رک گئی تھیں۔
