لاہور (سی این پی) سیشن عدالت نے ریاست مخالف بیان بازی کیس میں مسلم لیگ ن کے رہنما میاں جاوید لطیف کی ضمانت منظور کر لی اور 2، 2 لاکھ کے 2مچلکوں کےعوض ضمانت پر رہائی کا حکم دے دیا۔تفصیلات کے مطابق ایڈیشنل سیشن جج محمد حفیظ الرحمان خان نے جاوید لطیف کی درخواست ضمانت پر سماعت کی، میاں جاوید لطیف کی جانب سے فرہاد علی شاہ نے دلائل پیش کئے۔فرہاد علی شاہ نے دلائل دیتے ہوئے کہا کہ درخواست گزار ایک سیاسی کارکن ہے، حکومت کی جانب سے بے بنیاد الزامات کے تحت بغاوت کا مقدمہ درج کیا گیا، درخواست گزار جوڈیشل ریمانڈ پر جیل میں قید ہے ۔وکیل کا مزید کہنا تھا کہ جاوید لطیف قومی اسمبلی کے رکن ہیں،ان کے ٹی وی پروگرام میں بیان پر مقدمہ درج کیا، مقدمہ میں درج کی گئی دو دفعات کے علاؤہ تمام دفعات قابل ضمانت ہیں، جاوید لطیف کا کوئی مجرمانہ ریکارڈ نہیں ہے اور نہ ہی کسی جرم میں سزا یافتہ ہیں، عدالت ضمانت پر رہا کرنے کا حکم جاری کرے ۔درخواست گزار کے وکیل نے بتایا کہ جاوید لطیف نے ٹی وی پروگرام میں اداروں اور ملک کے خلاف بات کی،جو کسی صورت قابل معافی نہیں ہے ، عدالت درخواست ضمانت خارج کرے ۔عدالت نے دلائل مکمل ہونے پر درخواست ضمانت منظور کرتے ہوٸے جاوید لطیف کو دو دو لاکھ کے مچلکے جمع کروانے کا حکم دے دیا۔
حوالہ ہنڈی اور غیر قانونی ایکسچینج کے خلاف ملک گیر کریک ڈاؤن، 62 کروڑسے زائد رقم برامد ، 337 گرفتار
پی ٹی آئی نے ججز تقرری کی مجوزہ آئینی ترامیم مسترد کر دیں
گورنر پنجاب سردار سلیم حیدر کی تقریب حلف برداری ملتوی
بانی پی ٹی آئی کی گرفتاری کے 2 پہلو ہیں، مولانا فضل الرحمان
وزیر اعلیٰ پنجاب سے کورین سفیر کی ملاقات، دونوں ممالک کے باہمی تعاون کی ضرورت پر زور
زہر خورانی سے خاتون سمیت 3 بچیاں جاں بحق
آئندہ بارہ گھنٹے کے دوران ملک کے بیشتر حصوں میں موسم زیادہ تر خشک اور گرم رہے گا
پاکستان کا مستقبل روشن ہے اورخطے کا اگلا ٹیک حب بننے کی جانب گامزن ہے،مسعودخان
باردانہ کے حصول میں مشکلات دور کرنے کیلئے قومی غذاتی تحفظ کمیٹی قائم
کالعدم تنظیم کے دہشتگرد اپنے ہی ساتھیوں کی فائرنگ سے ہلاک