لندن(سی این پی)برطانوی وزیر دفاع نے امریکا سے متعلق بیان داغ کر عالمی دنیا کو حیرت زدہ کردیا ہے۔میڈیا رپورٹ کے مطابق ایک حالیہ انٹرویو میں برطانیہ کے وزیر دفاع بین والس نے کہا کہ ایک سپر پاور جب کسی معاملے پر ڈٹ جانے کے لیے تیار نہ ہو تو وہ سپر پاور نہیں کہلاتی، بلاشبہ امریکا اب بھی ایک بڑی طاقت ہے، لیکن اب وہ ایک عالمی طاقت ہے۔انہوں نے کہا کہ حالیہ چند ہفتوں نے افغانستان میں جو کچھ ہوا اور دنیا نے دیکھا، اس کا بیج صدر بائیڈن کے عہدہ سنبھالنے سے پہلے بویا گیا تھا۔بین والس امریکی انخلا پر کڑی تنقید کرتے آئے ہیں اور اس کا الزام سابق صدر ڈونلڈ ٹرمپ پر لگا چکے ہیں، ٹرمپ انتظامیہ نے فروری دو ہزار بیس میں طالبان کے ساتھ ایک معاہدہ کیا تھا جس کے تحت امریکا مئی دو ہزار اکیس تک اپنی افواج افغانستان سے نکال لے گا، جو بائیڈن انتظامیہ نے اس معاہدے کو برقرار رکھا، البتہ انخلا کے دورانیہ کو بڑھا دیا تھا۔گزشتہ ماہ والس نے کہا تھا کہ اگر میری رائے پوچھیں تو دراصل اس کی بنیاد ڈونلڈ ٹرمپ نے ڈالی تھی، صدر بائیڈن کو تو یہ مسئلہ وراثت میں ملا، اس معاہدے سے طالبان کو جو تحریک ملی ہے، اسی وجہ سے وہ سمجھتے ہیں کہ وہ جیت گئے ہیں۔اپریل میں بھی والس نے طالبان، ٹرمپ معاہدے کو ایک گلا سڑا اور بوسیدہ معاہدہ قرار دیا تھا، معاہدہ ہوتے ہی مجھے لگا کہ بین الاقوامی برادری کی حیثیت سے ہمیں اس کی قیمت چکانا پڑے گی۔
وزیراعظم سے آئی ایم ایف سربراہ کی ملاقات، ایک نئے قرض پروگرام پر تبادلہ خیال
کیپٹن کرنل شیرخان شہید کےمزار کی تزئین و آرائش مکمل
اسلام آباد پولیس کے14 ڈی ایس پیز کے تقرر اور تبادلے
مالکان کو ورکرز کا تحفظ اور صحت مند ماحول یقینی بنانا چاہیے، وزیراعلیٰ پنجاب
وزیراعظم نے اسحاق ڈار کو نائب وزیر اعظم مقرر کردیا، نوٹیفکیشن جاری
وزیراعظم کی صدر اسلامی ترقیاتی بینک سے ملاقات، پاکستان میں جاری منصوبوں پر پیش رفت کا جائزہ لیا گیا
موسمیاتی تبدیلی نے پاکستان کو بہت متاثر کیا، 2022ء کے سیلاب نے ملک کو تباہ کردیا، وزیر اعظم
جسٹس بابر ستار کے پاس اس وقت پاکستان کے علاوہ کسی اور ملک کی شہریت نہیں، اسلام آباد ہائی کورٹ
اغوا ہونے والے جج شاکراللہ مروت کا مقدمہ تھانہ سی ٹی ڈی ڈیرہ اسمٰعیل خان میں درج
ڈیرہ اسماعیل خان میں سکیورٹی فورسز کا آپریشن، 2 دہشتگرد ہلاک