اسلام آباد(سی این پی)وزیراعظم عمران خان پاکستان تحریک انصاف کی کور کمیٹی کے اجلاس میں وفاقی وزرا اور کمیٹی ارکان سے خفا خفا دکھائی دیے۔ذرائع کے مطابق دوران اجلاس وزیراعظم نے وفاقی وزرا اور کمیٹی ارکان سے شکوہ کرتے ہوئے کہا کہ کوئی بھی معاملہ ہو آپ ایک ساتھ نظر نہیں آتے۔عمران خان نے کہا کہ چند ہفتوں سے وزرا اور پارٹی قیادت فرنٹ فٹ پر نظر نہیں آئی، دوران اجلاس وزیر اعظم نے وزرا کو کالعدم تنظیم کے ساتھ ہونے والے معاہدے پر بات کرنے سے بھی روک دیا۔ اس دوران عمران خان نے ایم کیو ایم کی مثال دے کر کہا کہ جب وہ ایم این اے تھے تو ایم کیو ایم کے 18 کے 18 ارکان یک زبان ہو کر بولتے تھے۔وزیراعظم نے اس دوران کور کمیٹی ارکان کو فواد چوہدر ی اور اعظم سواتی کے ہمراہ الیکشن کمیشن میں پیش ہونے کی بھی ہدایت کی۔
