بہاولپور(سی این پی)بہاولپور میں ٹریلر کی ٹکر سے 3 طلبا جاں بحق ہو گئے، اہل علاقہ نے طلبا کے جاں بحق ہونے کے خلاف احتجاج شروع کر دیا۔بتایا گیا ہے کہ بہاولپور کے علاقے مسافر خانہ میں 3 طلبا سکول سے چھٹی کے بعد گھر جا رہے تھے کہ سٹرک پار کرتے ہوئے تیزرفتار ٹریلر کی زد میں آ کر جاں بحق ہو گئے۔ مشتعل مظاہرین نے سکول میں توڑ پھوڑ شروع کر دی جبکہ قومی شاہراہ پر رکاوٹیں کھڑی کر کے ٹریفک بھی جام کر دی ہے۔
