ریاض(سی این پی)سعودی عرب میں وزارت صحت نے کہا ہے کہ کورونا وائرس کا تیز رفتار ٹیسٹ(آر اے ٹی)بہت اہم ہے، اس کی رپورٹ نمونہ لینے کے تین گھنٹے بعد ہی مل جاتی ہے۔میڈیاکے مطابق وزارت صحت نے ٹوئٹر کے اپنے اکائونٹ پر بتایا ہے کہ تیز رفتار ٹیسٹ رزلٹ کورونا وائرس کو پھیلنے سے روکنے اور بہت جلد وائرس لگنے کی نشاندہی کردیتا ہے۔وزارت صحت نے توجہ دلائی کہ آر اے ٹی ٹیسٹ کے تحت نمونہ لیا جاتا ہے اور اس کے ٹھیک تین گھنٹے بعد صحتی ایپ پر اس کا رزلٹ جاری کردیا جاتا ہے۔وزارت صحت نے خوشخبری سنائی کہ آر اے ٹی پر عمل درآمد ہسپتالوں، ہیلتھ سینٹر کے ماتحت تطمن کلینکس اور “تاکد میڈیکل سینٹرز میں شروع کردیا گیا۔
