ریاض(سی این پی)سعودی عرب میں کورونا وائرس سے بچائو کے لیے پانچ سے گیارہ سال تک کے بچوں کے لیے ویکسین کی دوسری خوراک لگانے کا آغاز کردیا گیا ہے۔میڈیارپورٹس کے مطابق مملکت کے تمام ریجنز کورونا سے بچا ئوکے لیے ویکسینیشن سینٹرز میں شہریوں اور غیرملکیوں کو مفت ویکسین لگائی جارہی ہے۔اس حوالے سے عوام کی سہولت کیلئے سعودی وزارت صحت نے کہا ہے کہ مذکورہ عمر کے بچوں کے لیے ویکسین کے لیے وقت توکلنا اور صحتی ایپ کے ذریعہ لیا جاسکتا ہے۔وزارت صحت نے کہا ہے کہ مذکورہ عمر کے عام بچوں کے لیے اب وقت لیا جاسکتا ہے جبکہ اس سے پہلے ان بچوں کو ویکسین لگائی جارہی تھی جو وائرس کے زیادہ شکار ہوسکتے ہیں۔ترجمان کا کہنا ہے کہ اب دوسرے مرحلے کا آغاز ہوچکا ہے جس میں والدین کو ہدایت کی جاتی ہے وہ اپنے بچوں کے لیے پہلی فرصت میں وقت لیں۔کورونا سے بچائو کے لیے سعودی عرب میں ویکسی نیشن کا آغاز17 دسمبر 2020 سے کیا گیا تھا جس کا دوسرا مرحلہ 18 فروری2021 کو شروع ہوا۔یاد رہے کہ پانچ برس اور اس سے زائد عمر کے بچوں کے لیے ویکسینیشن کے پہلے مرحلے کا آغاز گزشتہ ماہ کیا گیا تھا جس میں ایسے بچوں کو اولیت دی گئی تھی جو کسی قسم کے مرض میں مبتلا ہیں۔
