واشنگٹن(سی این پی) امریکا نے پیٹریاٹ میزائل ڈیفنس سسٹم یوکرین بھیجنے پر کام شروع کر دیا۔روس کو ٹف ٹائم دینے کیلئے امریکا نے اپنے اتحادی یوکرین کو پیٹریاٹ میزائل ڈیفنس سسٹم دینے کی تیاری شروع کردی ہے ، یوکرین کی جانب سے امریکا سے جدید فضائی دفاعی نظام بھیجنے کا مطالبہ کیا جارہا ہے۔منصوبے کی منظوری کیلئے وزیر دفاع کے بعد صدر جو بائیڈن کے دستخط درکار ہیں، اس کے بعد پیٹریاٹ میزائل ڈیفنس سسٹم یوکرین بھیجا جائے گا۔پیٹریاٹ میزائل ڈیفنس سسٹم بیلسٹک اور کروز میزائلوں کو نشانہ بنانے میں انتہائی موثر ہے ، اس ڈیفنس سسٹم سے مشرقی یورپ میں نیٹو ممالک کیلئے فضائی حدود کو محفوظ بنانے میں مدد ملے گی ، روسی میزائل اور ڈرون حملوں نے یوکرین میں اہم انفراسٹرکچر کو تباہ کر دیا ہے۔واضح رہے کہ اتحادیوں نے یوکرین کے لیے موسمِ سرما سے نمٹنے کے لیے 1 ارب ڈالرز کی امداد دینے کا وعدہ بھی کیا ہے ۔
