سعودی عرب فیوچر انویسٹمنٹ اینی شی ایٹو کی میزبانی کرے گا

ریاض(سی این پی) فیوچر آف انویسٹمنٹ اینشی ایٹو پروگرام میں عالمی رہ نمائوں اور پالیسی سازوں کے ساتھ متعدد اوپن پینل بات چیت بھی شامل ہے۔تفصیلات کے مطابق سعودی عرب کی میزبانی میں تیسرے سالانہ فیوچر آف انویسٹمنٹ اینشی ایٹو کا اجلاس ریاض میں شروع ہوا 31 اکتوبر تک جاری رہنے والے اس اجلاس میں سعودی عرب کے پبلک فنڈ کی طرف سے 300 عالمی فیصلہ ساز شخصیات اور سربراہان مملکت کی شرکت کا اعلان کیا گیا ہے۔تین سو موثر عالمی شخصیات کی فیوچر انویسٹمنٹ اینشی یٹو میں شرکت اس امر کی عکاسی کرتی ہے کہ مملکت میں سرمایہ کاری کا رحجان بڑھ رہا ہے۔میڈیا کا کہنا ہے کہ اجلاس میں شمالی امریکا، ایشیا، یورپ ، جنوبی افریقہ اور مشرق وسطی کے وفود شامل ہیں اس پروگرام میں عالمی رہ نمائوں اور پالیسی سازوں کے ساتھ متعدد اوپن پینل بات چیت شامل ہے۔میڈیا رپورٹس کے مطابق اس پروگرام میں فیصلہ سازوں ، سرمایہ کاروں اور 30 سے زائد ممالک کے ماہرین کے علاوہ 300 مقررین کی شرکت شامل ہے، اس میں اس تقریب کے عالمی رجحان کی عکاسی ہے۔میڈیا رپورٹس کے مطابق براعظم شمالی امریکا کے 39 فی صد نمائندگان شرکت کررہے ہیں۔شرکا کی 20 فی صد تعداد یورپ،19 فی صد ایشیا سے شرکت کرے گی۔ فیوچر انویسٹمنٹ انیشی ایٹو میں 6000 سے زائد افراد کی شرکت متوقع ہے۔

اپنا تبصرہ بھیجیں