اسلام آباد (سی این پی )الاقصیٰ کے بیٹوں اور بدرو حنین کے مجاہدین کے حقیقی وارثوں کے ساتھ اظہار یکجہتی کرنے اور نام نہاد مسلم حکمرانوں کے ضمیر کو جھنجوڑنے کے لئے تحریک لبیک پاکستان، اسلام آباد زونل آفس ترلائی کلاں سے عظیم الشان “لبیک یا الاقصیٰ مارچ” نکالا گیا جو اسلام آباد پریس کلب F-6/2 کے سامنے اختتام پذیر ہوا۔ مارچ میں اسلام آباد زون کے تینوں حلقوں کے قائدین، کارکنان اور کثیر تعداد میں اہلِ اسلام نے شرکت کی۔ مارچ کے شرکاء سے خطاب کرتے ہوئے مرکزی رکن شوریٰ و لیگل ایڈوائزر تحریک لبیک پاکستان، چوہدری رضوان احمد سیفی نے پاکستان سمیت تمام مسلم ممالک کے سربراہان کو پیغام دیتے ہوئے یہ بات کہی کہ عالمِ کفر کے سربراہان تو اپنے پروردہ قابض اور ظالم صیہونی دہشت گردوں کے ساتھ مظلوم فلسطینیوں پر ظلم کے پہاڑ توڑنے کے لئے اپنا جدیدترین اسلحہ لیکر کھڑے ہو گئے لیکن افسوس کہ امتِ مسلمہ کے مردہ حکمران کھل کر اسرائیلی مظالم کی مذمت کرنے سے بھی گھبرا رہے ہیں۔ غیور مسلمانوں کو الاقصیٰ کے بیٹوں کے اس دلیرانہ اقدام پر فخر ہے کہ آج چودھوں صدی میں انہوں بدرو حنین کے مجاہدین کی سیرت زندہ کر دی اور پوری امتِ مسلمہ کے ضمیر کو جھنجوڑ کر رکھ دیا۔ الاقصیٰ کے بیٹوں نے عالم کفر کو یہ پیغام دیا ہے کہ جب تک بدر و حنین کے مجاہدین کے وارث زندہ ہیں وہ کبھی بھی قبلہ اول پر صیہونی تسلط کو قبول نہیں کریں گے اور نہ ہی اہلِ کفر کی غلامی پر راضی ہوں گے۔ الاقصیٰ کے بیٹوں نے اس امت کو بھولا ہوا سبق یاد کروا دیا ہے کہ “کافر ہو تو کرتا کے شمشیر پہ بھروسہ ۔۔۔ مومن ہو تو بے تیغ بھی لڑتا ہے سپاہی”۔ عالم کفر کے گماشتہ مسلم حکمران جو امت مسلمہ کو معاشی بدحالی اور اسباب کی کمی کا رونا رو کر عالم کفر کی غلامی پر آمادہ کرتے رہتے ہیں، ان کے منہ پر الاقصیٰ کے بیٹوں نے ایک زور دار تھپڑ رسید کیا ہے کہ عالم کفر کا غرور خاک میں ملانے کے لئے غیرت ایمانی اور مکین گنبد خضریٰ سے وفاداری کی ضرورت ہوتی ہے۔ کئی سالوں کی زمینی، ہوائی اور بحری ناقہ بندی اور محدود اسلحہ اور مادی وسائل کی کمی کے باوجود الاقصیٰ کے بیٹوں نے عالم مغرب کی پروردہ اسرائیلی صیہونی استبدادی قابض افواج اور موساد جیسی انٹیلی جنس ایجنسی اور دنیا کی مضبوط ترین معیشت کے غرور کو اپنے جذبہ ایمانی سے پاش پاش کر کے رکھ دیا۔ الاقصیٰ کے بیٹوں نے احسن طریقہ سے اپنا ایمانی فریضہ نبھا دیا ہے، اور اب پوری امت مسلمہ کا امتحان ہے کہ وہ صرف مذمت کر کے منافقانہ روش پر قائم رہنا چاہتی ہے یا عالم کفر کی طرح اپنے تمام تر وسائل، افواج اور جدید اسلحہ سمیت عملی طور پر الاقصیٰ کے بیٹوں کے ساتھ اس مقدس مقصد کی تکمیل کی خاطر میدان عمل میں اترنا چاہتی ہے۔
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر