نیویارک(سی این پی) امریکا کے کئی شہروں میں قطب شمالی سے چلنے والی برفیلی ہوائوں سے درجہ حرارت انتہائی کم ہوکر ریکارڈ سطح پر پہنچ گیا جب کہ شدید سرد موسم کی وجہ سے اسکول بند اور کاروباری سرگرمیاں معطل ہوگئیں۔میڈیا رپورٹس کے مطابق شدید سردی کا آغاز سائبیریا سے چلنے والی برفیلی ہوائوں سے ہوا جس سے امریکا کے کئی شہروں میں شدید برف باری ہوئی جہاں کنساس اور الینوئے میں روزانہ ریکارڈ برف باری دیکھنے میں آرہی ہے۔امریکی محکمہ موسمیات کا کہنا ہے کہ رواں ہفتے ہونے والے شدید برف باری سے کئی ریکارڈ ٹوٹ سکتے ہیں۔ میڈیا کا بتانا ہے کہ خراب موسم کے باعث اب تک 4 افراد جان سے جاچکے ہیں اور ایک ہزار سے زائد پروازیں بھی منسوخ ہوچکی ہیں جب کہ بعض علاقوں میں اسکولوں کو بند کردیا گیا ہے۔امریکی محکمہ موسمیات کے مطابق خون جمادینے والی ہوائوں کا سلسلہ مشرقی ساحل کی جانب پھیل رہا ہے۔منگل کے روز امریکا کے کئی شہروں میں گزشتہ سال کے مقابلے میں انتہائی کم درجہ حرارت ریکارڈ کیا گیا جہاں ریاست کنساس کی گارڈن سٹی میں درجہ حرارت منفی 17 ڈگری تک گر گیا جب کہ شکاگو میں 1986 کے بعد درجہ حرارت منفی 13 سے بھی نیچے گر گیا اور شہر میں پیر کے روز ریکارڈ برفباری بھی ہوئی۔اس کے علاوہ میکسیکو کی سرحد پر ٹیکساس ٹائون میں بھی غیر معمولی برفباری ریکارڈ کی گئی۔شدید سرد موسم کی وجہ سے اسکولز اور کاروباری مراکز منگل کے روز بھی بند رہے جب کہ سرد موسم نے سڑکوں کو بھی متاثر کیا ہے جس کی وجہ سے سڑک پر پھسلن کے باعث ٹرک بے قابو ہوگیا اور حادثے میں 8 سالہ بچی ہلاک ہوگئی۔ریاست مشن گن میں بھی سڑکوں کی حالت خراب ہونے کی وجہ سے ٹریفک حادثے میں تین افراد ہلاک ہوئے
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار
پاکستانی طلبا پر تشدد، کرغستان کے ناظم الامور کی دفتر خارجہ طلبی
یقین ہے حکومتِ کرغستان اپنی سرزمین پر پاکسانیوں کا خیال رکھے گی، بلاول بھٹو
ٹرک کھائی میں گرنے سے ایک ہی خاندان کے 13 افراد جاں بحق
28 مئی کو جنرل کونسل کے اجلاس میں نوازشریف کو پارٹی صدر منتخب کیاجائے گا
اسلام آباد شہری کے علاقوں میں 100 گرام روٹی کے قیمت 18 روپے مقرر