واشنگٹن(سی این پی)امریکی صدر ڈونلڈ ٹرمپ نے کہا ہے کہ ان کی پالیسیوں کے باعث ملکی اقتصادیات کو نشاط ثانیہ نصیب ہوئی، تاہم صنعتی ناقدین کا کہنا ہے کہ ان کی دوسرے ملکوں کے ساتھ تجارتی کشیدگی سے ملک میں لوگوں کے روزگار اور کاروباری سرگرمیوں کو نقصان پہنچا اور صارفین بھاری نرخوں پر اشیا خریدنے پر مجبور ہیں۔ان خیالات کا اظہار انھوں نے گزشتہ روز ایک تقریب سے خطاب کے دوران کیا۔ڈونلڈ ٹرمپ نے کہا کہ گزشتہ ماہ جب دونوں ملکوں کے درمیان جزوی معاہدہ تیاری کے قریب تھا تو میں نے اس وقت بھی کہا تھا کہ معاہدے پر عملدرآمد میں ناکامی کی صورت درآمدی محصولات میں اضافہ کردیں گے۔انھوں نے کہا کہ دونوں ملکوں کے درمیان ایک معاہدہ جلد طے پاجائے گا، ہم وہی معاہدہ قبول کریں گے جو امریکی عوام کے مفاد میں ہوگا۔دوسری جانب پورٹ آف لاس اینجلس کے ایگزیکٹو ڈائریکٹر جینے سروکا نے ایک رپورٹ میں صدر ٹرمپ کے اس دعوے کو سختی سے مسترد کرتے ہوئے کہا ہے کہ ان کے اقدامات سے ملک میں 15 لاکھ افراد کا روزگار خطرے میں پڑچکا ہے جو جنوبی کیلی فورنیا کی پورٹس سے سامان کی نقل و حمل سے اپنا رزق کماتے ہیں کیونکہ چین کے ساتھ تجارتی کشیدگی کے باعث ان پورٹس پر کاروباری سرگرمیاں بڑے پیمانے پر متاثر ہوئی ہیں۔انھوں نے کہا کہ ملک کے کچھ ریجنز اور صنعتوں میں روزگار کے مواقع کم ہورہے ہیں جس سے ان کی آمدنی اور ٹیکس وصولیوں کا عمل متاثر ہوگا۔ان کا کہنا تھا کہ بھاری محصولات کے باعث اشیا کی درآمدی لاگت میں اضافے سے سالانہ 186 ارب ڈالر کا اضافی بوجھ پڑے گا اور صارفین کو قیمتوں میں اضافے کے باعث اربوں ڈالر اضافی ادا کرنے پڑیں گے۔انھوں نے کہا کہ اکتوبر کے دوران ان بندرگاہوں سے اشیا کی نقل و حمل میں اکتوبر 2018 کے مقابلے میں 19 فیصد کمی آئی، دوسرے ملکوں کے ساتھ تجارتی جنگ نے کاروباری اداروں کی شکایات میں اضافہ کردیا ہے اور وہ مشکلات کا شکار ہیں۔
پاکستان اور آسڑیلیا کا ملٹری ٹو ملٹری تعاون کو مزید وسعت دینے کی خواہش کا اظہار
وفاقی دارالحکومت کی مثالی سکیورٹی، چور آئی جی کے گھر کے باہر سے ٹیلی فون کیبلز کاٹ کر لے گئے
بجٹ میں سرکاری ملازمین کی تنخواہوں اور پنشن میں کتنا اضافہ ہوگا؟
چائنہ سی پیک فیز ٹو کے ذریعے زراعت، صنعت اور ایکسپورٹ میں جدت لائے گا،شی یانگ چیانگ
کرغزستان میں پاکستانی طلبہ پر حملے جاری، وزیراعظم کی اسحاق ڈار کو فوری بشکیک پہنچنے کی ہدایت
برطانوی ہائی کمشنر کی نواز شریف سے ملاقات، دو طرفہ تعاون میں اضافے پر بات چیت
این سی ایچ آر کو A-اسٹیٹس ایکریڈیشن دیدی گئی پاکستا ن کا خیر مقدم
بشکیک میں پاکستانی طلبا کی صورتحال پر وزیاعظم کا کرغستان میں پاکستانی سفیر سے رابطہ
وزیر داخلہ کی سعودی سفیر سے ملاقات ،مختلف شعبوں میں تعاون بڑھانے پر تبادلہ خیال
اےاین ایف کی کارروائیاں، منشیات کی بھاری مقدار برآمد، 7 گرفتار