کراچی(سی این پی)معروف اداکارہ نیلم منیر نے خفیہ شادی کی خبروں کو افواہ قرار دیتے ہوئے کہا ہے کہ شادی ایک فریضہ ہے جس کا ڈنکے کی چوٹ پر اعلان کروں گی۔تفصیلات کےمطابق معروف اداکارہ نیلم منیر نے اپنے انٹرویومیں کہا ہے کہ میری خفیہ شادی کی خبروں میں قطعاً کوئی صداقت نہیں اور یہ صرف افواہیں ہیں۔ ان کا کہنا تھا کہ شادی کوئی چھپانے والی چیز نہیں اور جب بھی شادی کا فیصلہ کروں گی اس کا ڈنکے کی چوٹ پر اعلان کروں گی۔نیلم منیر کا کہنا تھا کہ شادی ایک فریضہ ہے اور اس کو سب کے سامنے ادا کرنا چاہیے، میں شوبز میں پہلی لڑکی نہیں جس کے بارے میں اس طرح کی خبریں میڈیا کی زینت بنی ہوں بلکہ مجھ سے پہلے بھی بے شمار اداکارائیں ایسی ہیں جن کی خبروں میں خفیہ شادیاں کرائی جاچکی ہیں۔اداکارہ نے کہا کہ میں جب بھی شادی کروں گی مجھے اس کو خفیہ رکھنے کی ضرورت نہیں بلکہ ڈنکے کی چوٹ پر اس کا اعلان کروں گی اور دوستوں کو بھی مدعو کیا جائے گا۔ان کا کہنا مزید کہنا تھا کہ ایسے لوگ بھی ہمارے معاشرے میں پائے جاتے ہیں جنہیں منفی و بے بنیاد افواہیں پھیلائیں بنا سکون نہیں ملتا ان کے پیٹ میں مروڑ اٹھتے رہتی ہے۔اس سے قبل ان کا کہنا تھا کہ میں نے کیریئر بناتے ہوئے صرف کام پر توجہ دی ہے، کون میرے بارے میں کیا سوچتا ہے اور کیا رائے دیتا ہے اس پر میں نے کبھی نہیں سوچا۔نیلم منیر نے بتایا کہ میری ہمیشہ کوشش ہوتی ہے کہ اپنے کام سے کام رکھوں، میں کسی کے بھی معاملے میں دخل اندازی نہیں کرتی۔
