نئی دہلی(سی این پی)بھارت میں دنیا کے سب بڑے کرکٹ اسٹیڈیم موٹیرا (سردار پٹیل اسٹیڈیم ) کا نام بدل کربھارتی وزیر اعظم نریندر مودی کے نام پر رکھ دیا گیا ہے۔میڈیا رپورٹس کے مطابق بھارت کے صدر رام ناتھ کووند نے بھارتی ریاست گجرات کے شہر احمد آباد اس اسٹیڈیم کو افتتاح کیا تو اس وقت وہاں بھارتی وزیر داخلہ امیت شاہ، گجرات کے گورنر اچاریہ دیوورت، وزیرِ کھیل کرن رجیجو اور بی سی سی آئی کے سکریٹری اور امت شاہ کے بیٹے بھی موجود تھے۔بھارت کے اس موٹیرا اسٹیڈیم کا نام پہلے سردار پٹیل اسٹیڈیم رکھا گیا تھا لیکن اب اسے بدل کر نریندرمودی کرکٹ اسٹیڈیم رکھ دیا گیا ہے۔ اس پر سماجی رابطے کی ویب سائٹس پر گرما گرم بحث کا سلسلہ جاری ہے۔دنیا کا سب سے بڑا کرکٹ اسٹیڈیم اس سے قبل میلبرن کرکٹ اسٹیڈیم تھا جہاں ایک لاکھ شائقین کے بیٹھنے کی گنجائش ہے جبکہ نریندر مودی سٹیڈیم میں ایک لاکھ دس ہزار شائقین کی گنجائش موجود ہے۔ بھارت اور انگلینڈ کے درمیان آج اسٹیڈیم میں میچ کھیلا جا رہا ہے۔بھارت کی سابق حکمراں جماعت کانگریس کے سابق صدر اور رکن پارلیمنٹ راہول گاندھی نے وزیراعظم نریندر مودی کا نام لیے بغیر سماجی رابطے کی ویب سائٹ ’ٹوئٹر‘ پر کہا ہے کہ سچ کتنی خوبصورتی سے خود کو ظاہر کرتا ہے۔ انہوں نے اپنے پیغام میں لکھا ہے کہ نریندر مودی اسٹیڈیم۔ اڈانی اینڈ۔ ریلائنس اینڈ۔ جے شاہ کی صدارت میں! کانگریس کے ترجمان سپریا شرینیت نے اپنے ٹوئٹ پیغام میں لکھا ہے کہ موٹیرا اسٹیڈیم سے سردار پٹیل کا نام ہٹا کر نریندر مودی رکھنا آزادی کے عظیم ہیرو کی بے عزتی ہے۔ انہوں ںے لکھا ہے کہ آپ کی انا اور تکبر کی کوئی تو حد ہوگی مودی جی؟ شرم کیجیے!گجرات کانگریس کے صدر ہاردک پٹیل نے بھی اسی حوالے سے ٹوئٹ کیا ہے۔ انہوں ںے لکھا ہے کہ دنیا کے سب سے بڑے کرکٹ اسٹیڈیم سردار پٹیل کرکٹ اسٹیڈیم کا نام بدل کر نریندر مودی کرکٹ اسٹیڈیم رکھا گیا ہے تو کیا یہ سردار پٹیل کی بے عزتی نہیں ہے؟انہوں نے موقف اپنایا ہے کہ سردار پٹیل کے نام پر ووٹ مانگنے والی بی جے پی اب سردار صاحب کی بے عزتی کر رہی ہے۔ ان کا کہنا ہے کہ گجرات کے عوام سردار پٹیل کی بے عزتی برداشت نہیں کرے گی۔ہاردک پٹیل نے لکھا ہے کہ بھارت رتن، آئرن مین سردار پٹیل نے آر ایس ایس پر پابندی لگائی تھی اوراسی وجہ سے آر ایس ایس کے شاگرد سردار پٹیل کا نام مٹانے کی ہر ممکن کوشش کر رہے ہیں۔ باہر سے دوستی لیکن اندر سے بیر، یہ سلوک بی جے پی کا سردار پٹیل سے ہے۔گجرات کانگریس کے صدر ہاردک کا کہنا ہے کہ ایک بات یاد رکھیے گا کہ سردار پٹیل کی بے عزتی ہندوستان برداشت نہیں کرے گا۔
بندرگاہوں کی سب سے بڑی کمپنی پاکستان پہنچ گئی
مصنوعی ذہانت سمیت ہمیں جدید ٹیکنالوجی سے استفادہ کرنا چاہئے، وزیراعظم
پولیس وردی پہننے پر وزیر اعلیٰ پنجاب مریم نواز کیخلاف مقدمہ درج کرنے کی درخواست دائر
وزیراعظم کا ڈیرہ اسماعیل میں شہید کسٹم اہلکاروں کے لواحقین کیلئے امدادی پیکیج کا اعلان
سکیورٹی فورسز کے آپریشن میں 3 دہشت گرد ہلاک
پاکستان نے انسانی حقوق رپورٹ میں عائد امریکی الزامات مسترد کردیے
عدالتی معاملات میں کسی کی مداخلت قابل قبول نہیں ہے، چیف جسٹس
پانچویں عاصمہ جہانگیر کانفرنس 2024 ہفتے کو لاہور میں ہوگی
لطیف کھوسہ نے پھر عمران خان کی جلد رہائی کی امید ظاہر کر دی
چیف جسٹس کی اپنے سفر کے دوران ٹریفک رواں رکھنے کی ہدایت